امریکا تشقی ایشلر و مدافعه وزیرلری کرزی دن حمایت بیلدیرگن

امریکا قوشمه ایالتلری نینگ تشقی ایشلر وزیری هیلاری کلینتون ومدافعه وزیری رابرت گیتس،افغانستان جمهوررییس حامدکرزی دن حمایت بیلدریب، امریکا و افغانستان اره سیده بولگن علاقه لرنی ایجابی دیشگن.

امریکا قوشمه ایالتلری نینگ تشقی ایشلر وزیری هیلاری کلینتون امریکا تلویزیون ترماغلری بیلن بولگن ینگی صحبتیده حامدکرزی نینگ امریکا اوچون ایشانلری بیرمتحد صفتیده دیه توصیف له گن.

عینی حالده امریکا نینگ مدافعه وزیری رابرت گیتس هم افغانستان جمهوررییسی بیلن بولگن ایش علاقه لرنی ریجه لنگن برنامه اساسیده یخشی ایلگری کیته یاتگنینی تاکید له گن.

سونگی پیتلرده کرزی جنابلری امریکا گه قرشی سوز یورتیب ، امریکا افغانستان نی اوز نظارتی آستیده الیش نیتیده ایکنینی اورغوله گن ایدی.

شونینگ دیک حامدکرزی مستقل سیلاولر کمیسیونیده ایراد ایتگن نطقیده ایریم غرب مملکتلری نینگ یوقاری ادملرینی بولیب اوتگن ریاست جمهوررلیک سیلاوده یوزبیرگن قلاب کارلیک لرگه قولی بارلیکلریگه عیبلب، اوشبو مملکت لرنینگ افغانستان ایچکی مسئله لریگه اره له شیب کیله یاتگنینی ادعا قیلگن ایدی.

امریکا قوشمه ایالتلری نینگ جمهوررییسی باراک اوباما بوندن ایککی هفته آلدین کابل گه بولگن سفری جریانیده حامدکرزی نینگ واشنگتن گه سفر قیلیش اوچون دعوت ایتگن ایدی.

اما حامدکرزی نینگ غرب ممکتلریگه قره تیلگن قتیغ تنقیدلری ایسه افغانستان و غرب مملکت لری اره سیده بولگن علاقه لرنی یمان له شیشگه سبب بولدی.

امریکا قوشمه ایالتلر نینگ ایریم یوقاری مرتبه لی خادملری کرزی نینگ غرب مملکت لریگه قره تیلگن تنقیدلری دوام تاپسه، کرزی نینگ واشنگتن گه باریشی کوتیله یاتگن سفرینی کوریب چیقیلیشینی تاکیدله گن ایدی.

شوندی قره مه قرشی فکر لرکوپه یشی بیلن افغانستان جمهوررییسی حامدکرزی امریکا تشقی ایشلر وزیری بیلن علاقه قوریب مستقل سیلاولر کمیسیونیده ایراد ایتگن سوزلری، امریکا و افغانستان اره سیده بولگن علاقه لرگه منفی تاثیر قالدر مسلگیگه ایشانچ بیلدردی.

حامدکرزی نینگ اوشبو سوزلریدن بیرنیچه کون اوتیب اوتمس امریکا قوشمه ایالتلری، بیرای دن سونگ حامدکرزی نینگ واشنگتن گه سفرقیلیشی کوتیله یاتگنینی اعلان ایتدی.

کرزی جنابلری نینگ غرب مملکت لریگه قره تیلگن تنقیدلری افغانستان ایچکریسده هم تورلی خیل فکر ملاحظه لر بیلن بیرگه بولیب، کرزی نینگ سیاستیگه مخالفت بیلدریب کیلگن ایریم سیاسی بیلیم دان لر اونی سونگی سوزلری افغانستان منفعتیگه ایمسلگینی اظهار ایتگن ایدیلر.