ناتوکوچلری عادی اهالینی نشانگه توتگن

افغانستان نینگ جنوبیده جایلشگن قندهار ولایتیده رسمیلرنی معلوم قیلیشلریچه ناتوکوچلری اهالیگه قره ب اوق آچگن نتیجه ده تورت کیشی هلاک بولگن .

خوف سیزلیک مسوللرنی خبربیریشلریچه قندهار دن غربی حدودلرده قره ب یول آلگن اوتوبوس ناتوکوچلری تمانیدن نشانگه توتیلگن. نتیجه ده تورت کیشی هلاک و اون سکیز کیشی ایسه یره لنگن .

حادثه قربانلری قندهار ده کی حربی کسل خانه لریدن بیریگه انتقال بیریلگن .

افغانستان جمهور ریسی حامدکرزی بیر بیانات ارقه لی حادثه نی قتیغ قاره لب اوشبو عمل ناتوکوچلری نینگ عادی اهالی نینگ سقلش توغریسیده بیرگن سوزلریگه قرشی دیه بهاله گن.

عینی حالده ریاست جمهور رلیک سرای تمانیدن چیقاریلگن بیاناتده قربان بولگنلر اره سیده باله لر و خاتین لر موجودلیگی تاکیدلنگن.

ناتوکوچلری یوزبیرگن حادثه خصوصیده تاسف بیلدرگن .

اوشبو کوچلرتمانیدن چیقاریلگن بیاناتده یازیلیشیچه، نشانگه توتیلگن موتر ناتو حربی موترلریگه یقین له شیشی بیلن اوچ مرته اگاه لنتریلگن اما نشانگه توتیلگن موتر توخته مه گن.

عینی حالده بیاناتده برینچی بار ناتوکوچلری نینگ هوای اوق آچگنی تاکیدلنیب شوندی بیرحالده هم موترتوخته مه گنی اورغولنگن .

یولگه قویلیب کیله یاتگن حربی عملیاتلر شونینگدیک هوای هجوملرده اهالی نینگ قربان بولیب کیله یاتگنی کاته تشویشلر گه سبب بولیب کیلماقده .

افغانستان جمهورریسی حامدکرزی بوندن آلدین هم هوای هجوملر وعملیاتلرده عادی اهالیی هلاکتینی آلدینی الیش اوچون جدی اعتبار قره تیلیشینی اورغوله گن ایدی.