امریکا وقزاقستان آره سیده بولگن کیلشوو

قزاقستان جمهورریسی نور سلطان نظر بایف، قزاقستان آسمانیدن فایده له نیب افغانستانگه کوچ و تامینات آلیب کیلیش اوچون امریکا جمهورریسی باراک اوباما بیلن کیلشگن .

نظربایف جنابلری واشنگتن گه بولگن سفریده باراک اوباما بیلن اوچره شگنده بوقرارنی قبول قیلگن .

اوشبو کیلشوو نینگ قندی عملی بولیشی خصوصیده هرایکله تمان مذاکره نی دوام بیریشی کیره ک لیگیی ایتیله دی.

ایتیلیشچه بوکیلشوو عملی بولسه ، امریکا قوشمه ایالتلری اوز توپراغیدن کوچ وحربی تامینتاتلرینی افغانستانگه یوباریش امکانیتیگه ایگه بوله دی .

کوزه توچیلرقزاقستان آسمانیدن امریکا لیک تیک اوچرلرنی اوتیشگه ایزین بیریلیش امریکا حکومتی اوچون کاته یوتوق دیه فکر بیلدرماقده لر .

امریکا جمهورریسی باراک اوباما افغانستانگه قوشیمچه کوچ یوباریش بویوروغینی صادر قیلیشی بیلن، تازه نفس کوچلرنینگ یوباریش اوچون ینگی بیر تامینات یول تاپیش نیتیده ایدی .

چونکی پاکستان گه عایید خیبر دوانی یولیدن افغانستانگه آلیب کیلنه یاتگن خلق ارا کوچلرنینگ حربی تامیناتلری بیرنیچه مرته طالبان قوراللی لری تمانیدن نشانگه توتیلدی .

امریکا قوشمه ایالتلری حربی تامنیتات لرنینگ افغانستانگه یوباریش اوچون قرقیزستانگه عایید ماناس هوا قونالغاسیدن فایده له نیب کیلگن، اما قرقیزستانده یوز بیرگن سیاسی بحران ایسه امریکا اوچون کاته خطر توغدری.

حاضرگه قره گنده امریکا اوز تیک اوچرلری نینگ ماناس هوا قونالغاسیدن اوچیشینی وقینچه لیک توخته تیب قویگن.

شوندی بولسه هم قرقیزستانده اورته گه کیلگن مؤقت حکومت امریکا نینگ ، ماناس هوا قونالغاسیدن فایده لنیشگه هیچ قندی معما یوق لیگینی ایتگن.

نظربایف یدراوی امنیت آتی بیلن یولگه قویلگن کنفرانس ده اشتراک قیلیش اوچون یکشنبه کونی امریکا گه سفرقیلگن ایدی.