حربی و ملکی فعالیتلر مابینیده هم آهنگ لیک کیتریش

دنیاهم جمعیت مملکتلر وکیللری وافغانستان یوقاری مرتبه لی خادملری اشتراکی بیلن ملکی وحربی فعالیت لر آره سیده هماهنگ لیک کیتریش اوچون ایککی کونلیک کنفراس بولیب اوتدی.

کابلده بولیب اوتگن اوشبو کنفرانسده امریکا نینگ افغانستان وپاکستان بویچه مخصوص وکیلی ریچارد هالبوروک، امریکا نینگ عمومی قوماندانی بیرقنچه دنیاهم جمعیت مملکتلر وکیللری وافغانستان یوقاری خادملری حصصه قوشگن ایکن.

کنفراسدن اساسی مقصد ایسه رسمیلر گه کوره افغانستانده عملگه اشریلیب کیله یاتگن حربی وملکی فعالیتلر مابینده هماهنگلیک کیتریش بولگن.

رسمیلر گه کوره بولیب اوتگن کنفرانسده افغانستانده فعالیت آلیب باره یاتگن خارجی کوچلر مابینیده هماهنگلیک کیتریش اوچون یول یوروق لر کوریب چیقیلگن.

معلومات لرگه کوره کنفرانس نینگ ایکنچی باسغیچیده، افغان وخارجی کوچلر مابینیده هماهنگلیک اورنه تیش اوچون یول یورقلر کوریب چقیلیشی ریجه لشتریلگن.

افغانستان مالیه وزیری عمر زاخیل وال بولیب اوتگن یغینده ،ترقیات اوچون بولگن دستورلریگه امریکا و خلق ارا یادمچی مملکتلر تمانیدن بیریلیشی کوتیله یاتگن یاردملرگه کوپراق اعتبار بیریلیشی تاکیدلنگنینی ایتگن

عینی حالده بوخصوصده انیق تکلیف هم افغان ملازملری تمانیدن ایلگری سوریلگنینی معلوم قیلگن.

افغانستان ریاست جمهوررلیک سرای نینگ سوزچیسی وحید عمر بولیب اوتگن کنفرانس نی خوش قرشی لب یاردملردن یخشی بیرشکلده فایده لنیش اوچون ایکله تمان هم اوز فکر لرینی بیلدرگنینی تاکیدله دی.

اوتگن بیرنیچه ییلدن بیری حربی و ملکی فعالیت لر مابنیده هم آهنگ لیک یوقلیگی خصوصیده شکایتلر کوپیگن.

عینی حالده ایتیب کیله یاتگن یاردملردن کوپ قسمنی چیت مملکت لرتمانیدن صرف له نیب کیله یاتگنی باره سیده شکایت لر موجود .

شونینگ دیک حربی عملیاتلر جریانیده عادی اهالی نینگ قربان بولیب کیله یاتگنی قتیغ تنقیدلر بیلن بیرگه بولیب، بونگه اساسی عامل ایسه افغان وخارجی کوچلر مابینیده یخشی هم اهنگ لیک بولمه گنی دیه کورسه تیلماقده .