سیلاولر کمیسیون باشلیغی تعین ایتیلدی

افغانستان جمهورریسی حامد کرزی ، سیلاو کمیسیونی باشلیغی اولراق فضل احمد معنوینی تانشترگن . عین دمده حامد کرزی ، سیلاو شکایت کمیسیون نینگ بیش اعضا سینی هم تنله گن.

اولر دن ایککی کیشی سی خارجی لردن عبارت بولیب ، بیرلشگن مللت لر تشکیلاتی تامانیدن ، جمهور رئیسگه پشنهاد قیلنگن.به تفصیل راق کابل دن فضل احمد یالغوز .

افغانستان مستقل سیلاولر کمیسیونی ریسی صفتیده ، نامزد اولراق تانشتیرلگن ، ایککی کیشیدن ، فضل احمد معنوی ، سیلاو لر کمیسیونی باشلغی اولراق ، حامد کرزی تامانیدن تعین ایتیلدی .

کابل ده بولیب اوتگن مطبوعات یغینی ده ، جمهور رئیس سوزچی سی وحید عمر ،بوندن اولراق استعفاگه چیققن سیلاولرکمیسیون نینگ، دارلانشا رئیسی لیگی لوازمیده ، ینگی بیر شخص نی،هم یقین کون لرده تعین ایتلیشنی معلوم قیلدی . 43 یاشلی ، فضل احمد معنوی بوندن آلدین ، سیلاولر کمیسیونی اعضاسی بولیب ، دینی عالم لر شورا سی نینگ باشلیغی صفتیده وظیفه بجریب کیلگن.

ماسترلیک درجه سی نی ، فقه قانونی بویچه اسلام آباد عالی اوقو یورتیدن قولگه کیرتگن ، معنوی جناب لری ، تعلیم وزیری و عالی محکمه ریاستی نینگ معاونی صفتیده ایشلب کیلگن. شونینگ دیک جمهورریسی سوزچیسی وحید عمر جمهور رئیس لیک سیلاولری قزغین بحث لرنی اوزیگه جلب قیلگن سیلاوشکایت کمیسیون نینگ بیش اعضا سینی هم کابل ده بولیب اوتگن یغینده تانشتیردی .

سیلاو شکایت کمسیونی اعضالریدن سید مراد شریفی قاضی القضات تامانیدن کرزی گه تکلیف ایتلیب، احمد ضیا رفعت،شاه سلطان عاکفی لر ایسه جمهور رئیس تامانیدن تعین ایتلگن.

بیرلشگن مللت لر تشکیلاتی تامانیدن شکایت کمیسیونی اعضا سی صفتیده تانشتیرلگن شخص لرنی ایترلی تجربه و بیلم گه ایگه بولگنی اوچون حامد کرزی تامانیدن تصدیق لنیب، تعین قیلنگنینی ، وحید عمر تاکید له دی. اونگه کوره، اولردن بیریی یوهان کیرکلر بوندن الدین جنوبی افریقا نینگ سیلاولر کمیسیون ریسی صفتیده وظیفه آلیب بارگن.

شونینگ دیک باشقه بیری مصطفی صفوت صدیقی عراق وطنداشی بولیب عراق دولتی نینگ سیلاولر کمیسیونیده مصلحت چی صفتیده وظیفه بجرگن.

افغانستانده بولیب اوتگن جمهور رئیس لیک سیلاویده قالالب کارلیک لرنینگ یوزه گه چیقیشی آرتیدن ، افغانستان حکومتی قطار تنقید لرگه اوچره ب ، سیلاولر کمیسیونی ده اصلاحات لرنی کیلتریش بویچه ییرک بیرشکلده خلق ارا باسم لرگه دوچ کیلشگندی .

بوندن اول حامد کرزی ، خارجی دولت لر ، سیلاو لر کمیسیونی باشلیغی و دارلانشا ریس نینگ ، اوز وظیفه لریدن چیت لنترلیشنی طلب قیلگن لیک لرینی معلوم قیلگندی .

عین دمده سیلاو شکایت کمیسیونی اعضا لرنینگ ، افغان لر و اولرنینگ کرزی تامانیدن تعین ایتلیشی قراری هم ، کسکین تنقید لرگه دوچ کیلشگندی.

کرزی جنابلری سیلاولر قانونیده ینگی اوزگریش لر کیتریب تقنینی فرمانی بیلن سیلاو لرنینگ ینگی قانونی تصدیق له دی بوموضوع ایسه قطار قره مه قرشی فکر لر گه سبب بولیب افغانستان پارلمانی کینگاشی اوشبو قانوننی رد ایتیب چیقدی.

افغانستان جمهورریس سوزچیسی وحید عمر سیلاولر کمیسیونده کیلگن اوزگریشلرگه اساس لنیب دنیاهم جمعیت مملکت لری نینگ پارلمانی سیلاو نینگ بولیب اوتیشی اوچون دیرلی همکارلیک قیلیشگه چقردی.