بریتانیا تشقی سیاست بحثیده افغانستان اورنی

 گوردون براون،دیود کامرون ،نیک کلیگ

بریتانیا ده کی اوچ اساسی سیاسی حزب رهبرلری اورته سیده ایککینچی تلویزیون مناظره اساساً تشقی سیاست مسئله سیگه بغلشنگن.

بو ایسه بریتانیا کیله جک دولتی نینگ سیاستلری اوچون اوته مهم موضوعلر دن بیری سنه له دی . چونکه بریتانیا سیلاو لریده کیم غالب چیقسه ، افغانستانده دوام ایته یاتکن بیر اوروش میراثینی قبول قیلیشی درکار.

عینی دمده ، مدافعه و خوفسیز لیک بوییچه تانیقلی تحقیقات مرکزی روسی تمانیدن آلیب باریلگن بیر عمومی سوراوو نتیجه سی نینگ کورسه تیشیچه ، اکثریت بریتانیا لیک لر کیله جک دولتلرینینگ ، بریتاینا ننیگ دنیا سیاستیده آله یاتکن اورنینی قیته کوریب چیقیشی کیرکلیگینی تاکید له گن. اوشبو سوراوو ده ایککی مینگ دن آرتیق مدافعه و امنیتی متخصصلراشتراک ایتگن.

بریتانیا باش وزیری و ایشچی یا محنت حزبی نینگ رهبری گردون براون ، سونگی ییللرده تشقی سیاست ده قیلگن نظارتینی مدافعه قیلیشدن اوزگه چاره سی یوق.

عنعنه دار لر حزبی نینگ رهبری ایسه ، هر چند تشقی سیاستلریده محنت حزبیدن ییریک بیر فرقی یوق. لیکن یینه هم مدافعه مسئله لریگه کیلگن ده ، افغانستانده کی بریتاینا لیک حربی لر نینگ تجهیزات تنقیصلیگی بوییچه گردون براون سیاستلری نی تنقید آستیگه آله دی .

اولر ملی خوفسیزلیک هماهنگلشتیریش گروهنی توزیش بیلن ، تشقی سیاست تیزیمینی قیته کوریب چیقماقچیلر .

لیکن لیبرال دیموکراتلر ایسه ، بو خصوصده مخالفراق بیر قرشگه ایگه . یعنی بریتانیا نینگ امریکا بیلن یقین علاقه ده بولیشیگه قرشی بولمه گن حالده خلق ارا مسئله لرده اورپا نینگ یگانه و کوچلی آواز گه ایگه بولیش ایسته گیده ایکن لیکلرینی تاکید لشه دی .

"روسی" تحقیقات مرکزی تمانیدن الیب باریلگن سوراوو نتیجه لری هم ، 88 فائز قتنشو چیلر ننیگ ف بریتانیا ننیگ دنیا ده اوینه یاتکن رولینی کوچه یتیریش اوچون اوز موقعینی قیته کرویب چیقیش ایته گیده ایکن لیگنی کورستگن.

افغانستان مسئله سیده 57 % ،افغانستلانده کی حربی ماموریت ، بریتانیا اوچون خوفسیز لیک کیلتیریشیگه ایشانگن. لیکن قریب اوچدن بیر قسمی ایسه بو فکر گه قوشیلمه گن. کیلگوسی حکومت ننیگ خوفسیزلیک مسئله سیده کی اینگ اساسی وظیفه سی گه کیلگن ده ف قتنشو چیلردن ، 80% تروریزم گه قرشی کورش اینگ اساسی ایش بولیب قالیشینی معلوم قیلگن.

هر چند اوتکن بیر نیچه ییل دوامدیه افغانستانده کی بریتانیا لیک کوچلر تلفاتی کوپه ییشی ارتیده بریتانیا ننیگ افغانستانده کی ماموریتی خصوصیده کوپ گینه تنقید لر و سوال لر خلق ارا سیده اویغانگن و بو سیلاولرده هم اواز بیروچی لر بونگه اورغو قییلیشی نی ایتشه دی . لیکن یینه هم کوپ گینه تحلیلچی لر گه کور ه تشقی سیاستلر ، خلق ارا حادثه لر و باشقه سیاسی اویینچی لر گه باغلی دیر. حزب لر ننیگ آلدیندن توزگن ریجه لر اوته آز تاثیر گه ایگه . و باشقه تماند هم ، ملی سیلاو لر خلق ارا مسئله لر دن کوره ملی موضوع لر اطرافیده بولیب اوته دی .

ایندی کوپلر ، بریتانیا ننیگ ، دنیا ده کی قدرتی نینگ بوی کورسه تیشینی ایسته شه یاتکنده ، بو اورین گه قنده ی قیلیب ایگه بولیش مسئله سی ، هر اوچله سیاسی حزب آلدیده تورگن ییریک سوال دیر و کیلگوسی باش وزیر اوچون ییریک معما