سیلاولرده خارجی لرنینگ اره لشویگه رخصت بیرمیمیز

Image caption افغانستان سیلاو کمیسیوننی باشلیغی سیلاو کمیسیونیده ایرم اصلاحات لرنی کیلتریشدن خبر بیرگن

افغانستان مستقل سیلاولرکمیسیونی رئیسی فضل احمد معنوی، مملکت سیلاولری جریانیده "هیچ قندی اره لشونی قبول قیلیب بولمیدی" دیب آگاه لنتیرگن.

مستقل سیلاولرکمیسیونی باشلیغی اوله راق رسما اوز وظیفه سیگه باشله گن معنوی جناب لری،سیلاولرنی بولیب اوتیشی اوچون افغانستان نینگ خارجی یاردم لرگه احتیاجی بارلیگی بیراق بو یاردم لراره لشوگه ایلنمسلیگی کیرک لیگنی تاکید له گن.

افغانستان سیلاو لر کمیسیون نینگ سابق رئیسی عزیزالله لودین ، جمهور رئیس لیک سیلاوجریانیده روی بیرگن کیین کولملی قلالبکارلیک لر باعث اوز مقامیدن استعفاگه چیقیشگه مجبور بولگندی.

حامد کرزی نینگ سیاسی مخالف لری ، افغانستان جمهوررئیسی و سیلاو کمیسیوننی ملازم لرینی جمهور رئیس لیک سیلاو لریده روی بیرگن قلالبکارلیکلرده قولی بارلیگی بیلن عیب لب کیلماقده.

حامد کرزی جنابلری ایسه ، کمیسیون ملازم لری نینگ صادق شخص لر بولگنی ، بیراق خارجی لرنی قلالب کارلیک لرده قول بار دیب ادعا قیلگندی.

سیلاو کمیسیوننی مرکزیده ، مخبرلربیلن صحبت لشگن معنوی جنابلری ، افغانستان نینگ، سیلاو لر جریانیده انیق لنگن قانون دایره سیده خارجیلرگه احتیاجی بارلیگنی ایتیب بیراق ناقانونی روشده خارجی لرنینگ ملی مساله لرگه ارلشووگه هیچ قندی یول قویلمسلیگنی تاکید له گن .

"بیز دموکراسی و سیلاو لرنی ،ملی حاکمیت نی قولدن بیریش بیلن المشمیمیز" دیب ایتگن معنوی جنابلری .

یغینده حضور تاپکن سابق سیلاو کمیسیون باشلیغی عزیزالله لودین ، جمهور رئیس لیک سیلاو جریانیده یول قوییلگنی ایتله یاتگن قلالبکارلیک لرسبب لرینی تیکشیرلیشینی تاکیدله گن.

افغانستان سیلاو کمیسیوننی باشلیغی عینی دمده سیلاو کمیسیونیده ایرم اصلاحات لرنی کیلتریشدن خبر بیرگن.اونگه کوره اصلاحاتلرنی کیلتریشدن اساسی مقصد احتمالی بولگن ساخته کارلیک لرنی آلدینی آلیش دیر.