نوایی هیکلیگه زیان ایتکیزیشگه قرشی ناراضلیک

ناراضلیک نمایشلری
Image caption بوگونکی ییغینده يوزلبچه ناراضي شخصلر نوايي نينگ كتيبه سيگه ضرر ایتکیزیشنی فرهنگ و مدنيت گه قرشي بولگن بيرعمل ديب بهاله ديلر

افغانستان شمالیده کی مزار شریف شهریده ، یوزلب کیشیلر امیر علشیر نوایی نینگ مرمر تاشده اؤییب ایشلنگن هیکلیگه زیان ایتکیزیلگن لیگینی قاره لب ناراضلیک نمایشی اویشتیرگن.

بوگونکی ییغینده يوزلبچه ناراضي شخصلر نوايي نينگ كتيبه سيگه ضرر ایتکیزیشنی فرهنگ و مدنيت گه قرشي بولگن بيرعمل ديب بهاله ديلر

بوندن بیر نیچه کون آلدین ، مزار شریف شهریده کی نوایی نامیگه اتلگن خیابانده قوریلگن امیر علیشیر نوایی نینگ مرمر تاشده اوییب ایشلنگن هیکلیگه نامعلوم کیشیلر تمانیدن شکست ایتکیزیلگن ایدی.

مزار شریف شهریده بولیب اوتکن ییغین ده قتنشگن ناراضي شخص لردن بولگن ذبيح الله كارگرايسه بوعمل فرهنگ و مدنيت گه ضد بيرعمل بولگنيني قيد ايتدي. اونگه کوره ، "اگر دولت اوشبو حادثه عامللرینی تاپیپ قانون گه تاپشیرمه سه ، خلق اوز ناراضلیکلریگه دوام بیره دی " .

شونينگ ديك ییغین نهایه سیده ناراضي نمایشچیلر بيرقطعنامه ارقه لي دولت رسمي لردن بو حاثده عامللریني تاپیشینی و جزاله نیشینی طلب ایتدی.

بلخ مسؤولري

Image caption نمايشچي لر یيغیليش سونگيده ، ترقتگن قطعنامه ده اگرده دولت بو مسله گه اعتبار بيرمه سه اوز نا راضيليکلرینی دوام بيره جگلرني قيد ايتلگنلر .

بلخ ولايت نينگ رسمي لري بوعمل بلخ ولايت نينگ مدنيتیگه قرشي بولگن شخص لرتمانيدن يولگه قويلگن ليگيني ايتماقده . بلخ والي سي نینگ سوزچي سي احمد فرهاد منيرايسه بو خصوصيده گي قديروو ايشلری باشله تيلگن ليگيني معلوم قيلدي.

نمايشچي لر یيغیليش سونگيده ، ترقتگن قطعنامه ده اگرده دولت بو مسله گه اعتبار بيرمه سه اوز نا راضيليکلرینی دوام بيره جگلرني قيد ايتلگنلر .

بوندن قريب بيرآي الدين ، نو روز بيرمي مناسبت بيلن مزار شريف شهرده نوايي نامیگه منسوب بولگن چهار رهه لر نینگ بیریده علیشیر نوایی نینگ مرمر تاشده اوییب ایشلنگن هیکلی برپا ایتیلگن ایدی. اوشبو هیکل نینگ بلند قسمید،مسلمانلر خلیفه سی حضرت علی گه منسوب، روضه نینگ کورنیشی اوییب ایشلنگن و یان اطرافیده ایسه روضه شریف تاریخ چه سی، اوزبیک، فارس ، پشتو و انگلیس تیلریده یازیلگن. طاق ننیگ ارقه قسمیده ایسه نوایی ایجادیاتدن ایرم نمونه لر ونوایی نینگ قسقه حیات تاریخچه سی یازیلگن.

لیکن بیر نیچه کون مقدم ، کیچه کیچ قورون نا معلوم شخصلر تمانیدن ف اوشبو اویمه کارلیک هیکلگه هجوم اویشتیریلگن و او ننیگ ایریم قسم لریگه شکست ایتکیزیلگن.

افغانستان شمالدیه کی بلخ ولایتیی مرکزی مزار شریف شهریده سونگی ییلرده ، بویوک شخصلر نینگ اویمه کارلیک هیکللری شهر نینگ اطرافیده اورنه تیلگن . لیکن بو اره ده اینقسه نوایی هیکلیگه قرشی بونده ی هجوم اویشتیریلیشی کوپ لر نینگ ذهنیده سوال توغدیرگن.

ایریملر اوشبو حادثه ده سیاسی عالملر بارلیگی نی ائیتسه ، بعضیلر هم قومی ضدیتلرنی سبب قیلیب کورستماقده . اما نیمه بولگن ده هم حادثه نی اویشتیرگنلر انیق بولمه گنیدی ، او نینگ سببلری هم نا انیق قالماقده .