حامد کرزی نینگ هندوستانگه سفری

منموهان سینگ و حامد کرزی
Image caption افغانستان دولتی ننیگ معتدل طالبلر بیلن مذاکره آلیب باریش حرکتلری هندوستاننی خواطر گه سالگن

هندوستان و افغانستان منطقه ده قورالی عصیانچی لر زوروانلیگیگه قرشی خلق ارا همجمیعت بیلن بیرگه ایشلشگه کیلیشگنلر. افغانستان جمهور رئیسی حامد کرزی دهلیگه رسمی سفر بیلن کیلگن و باش وزیر منموهان سینگ بیلن مذاکره لر آلیب بارگن.

اوشبو سفر باش وزیر منموهان سینگ نینگ رسمی دعوتیگه عملگه آشیریلماقده . بو ایسه حامد کرزی ننیگ قیته افغانستان جمهور رئیسی ایتیب سیله نیشیدن کیین هندوستان گه قیلگن ایلک سفری دیر. هر ایککی رهبر ترورزم مسئله سی و هندوستان ننیگ بیر نیچه میلیادر دالر لیک یاردم لر خصوصیده صحبت الیب بارگن .

هندوستان باش وزیری من موهان سینگ ، حامد کرزی بیلن اوتکزگن ملاقاتدن کیین ژورنالیستلرگه بیلن مطوبعات یغینیده ، هندوستان نینگ افغانستانده کی قابلیتلرنی رواجلنتیریش ف و عامه منفعتلر ترقیات ساحه سیده اوز یاردم لرینی دوام بیریشینی معلوم قیلگن.

افغانتسان جمهور رئیسی حامد کرزی هم اوز اورنیده ، هندوستان دولتینی افغانستان ده بوله جک لندن ییغینی نینگ دوامیده کی کابل خلق ارا ییغینگه قتنشیش گه چقیرگن . هندوستان لیک همکسبیگه هندوستانلیک وطنداشلر نینگ امینتی تامینلش یوللیده جدی حرکت قیلیشینی بوییچه ایشانچ بیرگن.

هندوستان افغانستان دولتی نینگ اینگ ییریک اتفاقیلریدن بیری و افغانستان گه اینگ کوپ یاردم بیرگن اون مملکت جمله سیگه کیره دی . 2001 نی ییلده طالبان توزومی قوله تیلگنیدن بیری هندوستان افغانستانگه بیر میلیارد دالردن آرتیق یاردم ایتکیزگن. مذکور یاردملر اساساً یوللر، مکتبلر ، کسلخانه و برق قوتی بوییچه لایحه لرگه صرفلنگن.

اما مملکتده قوشونلرگه ایگه بولمه سه-ده ، هندوستان افغانستانده تیز-تیز نشانگه آلیب کیلینه دی. هندوستان ننیگ کبالده کی ایلچیخانه سی ایککی بار بامب هجومیگه توتیلدی و فیبروری آییده کوپینچه هندوستانلیکلر فایده له نه دیگن مهمانخانه لردن بیریگه هجوم 9 هندوستان وطنداشینینگ اولیمیگه سبب بولگن ایدی. دهلی هر ایککی هجومده هم پاکستانده گی گروه لر تمانیدن دستکلنگن طالبان و القاعده قوراللیلرینی عیبلب چیقدی.

Image caption هندوستان نینگ کابلده کی ایلچیخانه سی ایککی مرته هجومگه توتیلدی

حاضرده افغانستان دولتی ، طالبان بیلن مذاکره آلیب باریش یوللرینی کوریب چیقیش مقصدیده ، ملی تینچلیک مصلحت قورولتایینی یولگه قوییشنی ریجه لشتیره یاتکنده ، اوشبو مسئله ، افغانستان جنوبی قوشنیسی پاکستان بیلن تاریخی قرمه قرشیلیکده بولگن هندوستان هندوستاننی بارگن سری کوپراق تویشگه سالماقده .

هندوستان گه کوره ،امریکا دولتی طالبان بیلن افغانستانده مذاکره آلیب باریشگه یول آچیش بیلن ، افغانستاندن چیقیش یوللرینی حاضر له ماقچی.

هندوستان دولتی نینگ نظریده ف خلق ارا کوچلر افغانستاندن چیقیب کیتیشی بیلنو طالبان قدرتگه شیریک بولیشی بیلن پاکستان افغانستانده کوچلی راق قولگه ایگه بوله دی . بو ایسه هندوستان ننیگ افغانستانده کی منفعت لرینی تهدید استیگه قوییشی ممکن.

هندوستان باش ویری من موهان سینگ بیلن مذاکرهلردن کیین ، جمهور رئیس حامد کرزی اوز ممکلتیده ایشلب فعالیت آلیب باره یاتکن 4000 اطرافیده گی هندوستانلیکلرنینگ خوفسیزلیگینی تامینلش یولیده ضروری قدملرنی قوییشیگه وهده بیردی .

اوز اورنیده جناب من موهان سینگ ، افغانستان گه یاردم ایتش یوللیده قطعی ایکنلیکلری و بو ایشنی دوام ایتیره جکلرینی بیلدیردی.

اما هندوستاننینگ بو سعی حرکتلرگه پاکستان شبهه بیلن قره یدی و و هندوستان او ننیگ منفعتلریگه قرشی عمل قیله یاتکن دیک کوره دی.