مجاهدلر غلبه سینینگ اون سکیز ییللیگی نشانندی

مجاهدلر پیروزلیگی نینگ اون سکیز ییلیگینی نشانلش مراسمی کوپگینه خوف سیزلیک چاره تدبیرلی وحربی ترتیبات لر بیلن پایتخت کابل شهری نینگ غاز استیدیومیده بولیب اوتدی.

اوشبو مراسمده ایسه تنیقلی جهادی رهبلردن بولمیش صبغت الله مجددی برهان الدین وعبدالرب رسول سیافلر اشتراک ایتمه گنی ایدی. شونینگ جمهورریسی حامدکرزی هم خارج سفریده بولگنی اوچون حصصه قوشگنی یوق ایدی.

مراسمده سوزگه چققن افغانستان جمهورریسی نینگ بیرینچی اورن باسری مارشال محمد قسیم فهیم تروریزم نینگ بوتون انسانلرنی دشمنی دیه بهاله دی .

و بوخصوصده جدی کوره شیش نه فقط افغانستان بلکه منطقه و خلق ارا دولت لری نینگ اساسی بورچی ایکنینی تاکیدله دی

شونگه علاوه قلیب فهیم جنابلری افغانستان دولتی نینگ منطقه ده بولگن دولت لربیلن یخشی علاقه ده ایکنینی ایتیب اوشبو دولت لرنی هم افغانستان توغریسده یخشی مناسبت بیلدرشینی اورغوله دی .

مجاهدلر پیروزلیگی نینگ مناسبتی بیلن بوگونگی مراسم عادی بیرشکلده یولگه قویلیب قسقه بیر مدت ایچیده بولیب اوتدی.

1387 هجری شمسی ییل عینی تاریخده یولگه قویلگن مراسم عصیانچیلر تمانیدن نشانگه توتیلیب بیرملت وکیلی قوشیمچه اوچ کیشینی هلاکتیگه سبب بولگن ایدی.

امنیتی معمالر باعث اوتگن ییل بو مراسم ایسه ریاست جمهوررلیک سرایده یولگه قویلگن ایدی.

بوندن اون سکیزییل الدین ثور ای نینگ سکزنچیسیده مجاهدلر داکتر نجیب الله حکومتی نینگ قوله تیشی بیلن قدرتگه کیلدی.

اما بیرنیچه هفته اوتیشی بیلن نه فقط اوریش توخته مه دی بلکه ایچکی اوریشلر یوزبیریب طالبان حرکتی اورتگه کیلشی بیلن قریب اون ییل دوام تارتدی.

2001. ییل سیپتمبر ای نینگ اون بیرینچیسیده یوزبیرگن حادثه دن کیین خلق ارا دولت لرنینگ اره له شیشی بیلن طالبان حاکمیتی یقیلیب ایچکی اوریشلر هم توگه دی.

اما حاضرگی کونده هم افغانستان نینگ بعضی بیرولایتلرده قتیغ توقنه شولر دوام ایتب کوپلب انسان لرنینگ حیاتیگه ضامن بولیب کیلماقده .