پنتاگون: مهم کوریلگن حدودلریدن چارکی کرزی نی حمایه قیله دی

کرزی
Image caption پنتاگونگه کوره | 29 ته مهم تومنده گینه اهالی جمهور رئیس کرزی نی حمایه قیله دی

امریکا قوشمه ایالتلر مدافعه وزیرلیگی چیقارگن حساباتده ایئتیشیچه ، افغانستان ده طالبان گه قرشی کروشده مهم کوریلگن حدودلریدن چارکیدن کمی جمهور رئیس کرزی حکومتینی قولب قوتلیدی

پنتاگونگه کوره ، ممکلت اهالیسی نینگ اکثری افغانستان رسمی حکومتیگه نسبتا بیفرق و یا طالبان نی حمایه قیله دی . حسابات بونگه سبب ، کرزی حکومتی ننیگ فساد گه باتگن لیگی و ایشبیلرمان بولمه گن لیگی نی سبب قیلیب کورستگن.

پنتاگون نینگ ینگی حساباتیده ائیتیشیچه ، اکثریت اهالی نینگ "اداری فسادگه باتگن و بیر ایشنی قائلله ته آلمه گن " افغان حکومتیدن ناراضلیگی اوتکن ییلینی طالبان "فعالیتلری اوچون یانگ ثمره لی ییل دیب " بهالشلریگه سبب بولگن .

حسابتگه کوره ، جمهور رئیس حامد کرزی نینگ حکومتی قوشمه ایالتلر حربیلری تمانیدن مهم دیب کوریلگن 121 حدود نینگ بار-یوغی چارک قسمیده دستککه ایگه دیر.

امرکیا مدافعه وزیرلیگینینگ ایئتیشیچه ، "افغانستانده ثمره لی باشقروونی یولگه قوییش او ییرده گی ترقیات و خوفسیزلیک اوچون نهایتده مهمدیر".

"افغانستانده زوروانلیکلر کولمینینگ آرتیشی عصیانکارلیکنینگ غلبه سی صفتیده کوریله دی . بوندن تشقری ، اوتگن ییلگی جمهور رئیس لیک سیلاولریده سیلاوچیلرنینگ کم سنانده گی اشتراکلری و سیلاو جریانیده یول قوییلگن عاموی قلابلیکلرنی هم اولر اوز یوتوقلری اولراق تلقین ایتیشه دی" دییله دی پنتاگون نینگ 152 صحیفه لی حساباتیده .

پنتاگون نینگ بیلدیریشیچه ، ائوتگن ییلنینگ شو وقتی بیلن سالیشتیرگنده ، گافغانستانده زوروانلیکلر کولمی کیسکین آرتگن".

"دییلیک ،2009 نچی ییل نینگ فیبروری اسییده جاری ییل نینگ مارچ آییگچه بو کورستکیچ 87 % نی تشکیل ایتگن" دییله دی حساباتده.

پنتاگون گه کوره ، جاری ییل حسابیدن افغانستانده خوفسیزلیک بیلن باغلیق وضیعت بیراز برقرارلشگن بولسه-ده ، ناقرارلیکلر کولمی هم ایککی برابریگه اشگن.

بیراق ، امریکا حربیلری نینگ ائیتیشلریچه ، اتفاق کوچلرینینگ افغانستنانده اوز عملیاتلرینی کوچه ئتیریشلری " طالباننی مثلسیز باسیم استیده قویگن".

پاکستان هم هندوستان بیلن چیگره سیدن 100000 عسکرینی الیب ، افغانستان بیلن چیگره سیگه تشله گن. و افغانستان بیلن چیگره ده باش پناه تاپگن قورالی جنگچیلرگه قرشی اوروش الیب باره یاتگن پاکستانلیک حربیلرنینگ سانی بیر یوز قیرق مینگگه ایتگن.

لیکن پنتاگون نینگ ایئتیشیچه بو کبی حربی عملیاتلرنینگ تاثیری امریکا باشچیلیگیده گی اتفاق کوچلری افغانستانده الیب باره یاتگن اوروشده بیردنیگه سیزیلمسلیگی ممکن.

قوشمه ایالتلر تمانی اوزاق وقتدن بویان پاکستاننی اوز حدودیده گی طالبان و القاعده عصیانچیلریگه قرشی جدی چاره کوریشگه اوندب کیلر ایدی.

سونگی سفربرلیک ایسه ، پاکستان تاریخیده گی اینگ ییریگیدیر. شو پئیتگه قدر پاکستان افغانستان بیلن چیگره سیگه بو قدر کته سانده عسکر جایلشتیرمه گن.