ایرکین مطبوعات نینگ اشدی دشمنلری

ملا عمر
Image caption ایرکین مطبوعات نینگ 40 اشدی دشمنی رویخطیگه ایلک بار افغانستانده گی طالبان حرکتی رهبری ملا محمد عمر هم کیریتیلگن.

چیگره بیلمس مخبرلر خلق ارا تشکیلاتی ژورنالیستلرنینگ ایرکین فعالیت یوریتیشلریگه امکان بیرمه یاتکن دنیا رهبرلری نینگ بو ییلگی رویخطینی اعلان قیلگن.

تشکیلاتنینگ خلق ارا مطبوعات کونی مناسبتی بیلن اعلان قیلگن ینگی رویخطیده "ایرکین مطبوعات نینگ 40 اشدی دشمنی " تیلگه آلینه دی . اولر نینگ اره سیده سیاستچیلر ، دینی یولباشچیلر و قوراللی عصیانچیلر رهبرلری هم بار.

"چیگره بیلمس مخبرلر ، " خوفلی ، زوراوان وقانوننی نظرگه ایلمیدیگن سیاستچیلر " ایکنلیکلرینی ائیتیب ، اوز رویخطیده چین جمهور رئیسی هو جین تاو ،ایران جمهور رئیسی محمود احمدی نژاد و روسیه باش وزیری ولادمیر پوتین نینگ هم ناملرینی کیلتیره دی .

رویخطده گی دولت رهبرلینینگ توپلم سانی 17 کیشینی تشکیل ایته دی.

" بیز رویخطده تیلگه آلگن ایرکین مطبوعات نینگ اشدی دشمنلری ژورنالیستلرنی سانسور قیلیش، قماققه تشلش، الیب قاچیش ، اینگ یمان حالتده ایسه ، اولدیریش قدرتیگه ایگه لر ، " دیدی خلق ارا تشکیلات.

ملا عمر

Image caption چیگره بیلمس مخبرلر : دنیا بویلب جاری ییلنینگ ازویده 9 ژورنالیست اولدیریلگن و 300 نفری قماققه تشلنگن.

چیگره بیلمس مخبرلر تشکیلاتنینگ بو ییلگی رویخطیگه ایلک بار افغانستانده گی طالبان حرکتی رهبری ملا محمد عمر هم کیریتیلگن.

خلق ارا تشکیلاتگه کوره ، "پاکستانده هم کته تاثیرگه ایگه بولگن ملا عمر آلیب باره یاتگن جهاد بیواسطه مطبوعاتگه هم قره تیلگنی اوچون اونی اوز رویخطلریگه قوشیشگن".

"ملا عمر نینگ جنگریلری اونی ترغیب ایتماوچی محلی ژورنالیستلرنی قورقیتیشسه ، اوتگن ییلی طالبان توغریدن-توغری ژورنالیستلر و ینگی مطبوعات واسطه لریگه نشانگه الیب ، قیرققه یقین هجوم اویشتیرگن،" دیدی چیگره بیلمس مخبرلر تشکیلاتی

اوز اورنیده چیچنستان نینگ کریملن طرفداری بولگن جمهور رئیسی رمضان قادروف هم بیرنچی مرته خلق ارا تشکیلات نینگ رویخطیدن اورین الگن.

خلق ارا تشکیلاتگه کوره ، " ژورنالیست بوله دیمی یا کی انسان حقلرینینگ حمایتچیسی ، رمضان قادروف نینگ سیاستینینگ حقلیگینی سوال آستیگه آلگن هر قند ه ی کیشی اولدیریلگن. "

"چیگره بیلمس مخبرلر نینگ رویخطیدن بو ییل نایجریا ملی خوفسیزلیک خذمتی و عراقده گی قطار اسلامی گروهلر نینگ ناملری چیقاریب تشلنگن.

خلق ارا تشکیلات نینگ رویخط سونگیده بیلدیریشیچه ، دنیا بویلب جاری ییلنینگ ازویده 9 ژورنالیست اولدیریلگن و 300 نفری قماققه تشلنگن.