افغانستان جنوب غربیده قطار انتحاری هجوملر

نمیروز
Image caption سکیز هجومچی ولایت حاکمیت بنا سی ایچیده ازوینی پارتلتکن ، پلیس کوچلری توقیزینچی هجومچینی آتیب اولدیرگن

افغانستان جنوب غربیده کی نیمروز ولایتیده توقیز انتحاری هجومچی عینی پیتده محلی حاکمیت بناسیگه هجوم قیلیشگن.

عاقبتده بیش پلیس ماموری و بیر محلی ولایت کینگش اعضا سی هلاک بولیشگن. افغانستان ایچیکی ایشلر وزیرلیگیگه کوره ، حادثه ده سکیز نفر پلیس ضابطی و بیر نفر عادی اهالی یره لنگن.

سکیز جنگری ازوینی پارتلتیب یوبارگن ، بیر نفری خوفسیزلیک کوچلری تمانیدن آتیب اولدیریلگن. حاکمگه کوره، وضیعت حاضر تینچ .

ولایت حاکمی نینگ ایئتیشیچه ، هجومچیلر نینگ هجوم پئیتیده حاکمیت بناسیده ییغین اوتکزه یاتکن بولگن. بیراق پلیس کوچلری تیزکارلیک کورسه تیشگن. اولر بنا گه کیریشگه اورینگن بیر نیچه هجومچینی آتیب اولدیریشگن.

شهر کوچه لریده پلیس کوچلری و عصیانچیلر اره سیده آتیشمه لر یوز بیرگنی خبر قیلینگن. ایریم خبر لر ، افغانستان خوفسیز لیک کوچلری بیلن عصیانچیلر اره سدیه کی توقناشوولر ننیگ ایککی ساعت دوام ایتگن لیگنی ایئتکن.

افغانستان جمهور رئیسی حامد کرزی ننیگ اداره سی هم ف سکیز نفر انتحارچی ننیگ اوزینی پارتلتکن لیگنی تصدیقلهگن .

نیمروز حاکمی غلام دستگیر ازاد نینگ ائیتیشیچه ، کمیده 7 پارتلش روی بیرگن و پلیس کوچلری ولایت کینگشی و ولایت محکمه سی بنا لری داخل بیش-آلتی موقع ده عصیانچیلر بیلن آتشمه گه کیریشگن .

بیر نیچه انتحاری هجومچیلر اشتراکیده گی هجوملر افغانستان ده نهایتده کوچه یب بارماقده . اوشبو هجوم لر خلق اره سیده قورقو اویغاتیب ، حکومت خوفسیزلیکنی ایپله المه یدی دیگن توصور اویغاتیشگه قره تیلگن.

ناتو تشکیلاتی و امرکیا قوشمه ایالتلری ، افغانستانده مینگلب قوشیمچه عسکرلرینی جایلشتیرگنلر ، کیلگوسی اگوست آییده افغانستانده کی چیت ایللیک کوچلر سانی نینگ 150000 گه اتیشیشی کوتیلماقده . بوندن مقصد ایسه ، افغانستانده کی اورشگه نهایه بیریش دیر.