افغانستان ده کی سوتاشقینیده اونلب کیشی هلاک بولگن

افغانستانده کی  سو تاشقینی
Image caption سو تاشقینیده هر ییلی اونلب اسنانلر افغانستانده هلاک بوله دی

افغانستان ننیگ شمال ،شمال شرق و مرکزی ولایتلریده روی بیرگن سوی تاشقینی قریب یوز کیشی نینگ اولیمیگه سبب بولگن. معلومماتلرگه کوره ، حادثه ده مینگلب اویلر و ایکینزارلر هم ویران بولگن.

افغانستان طبیعی آفتلر گه قرشی کوشیش اداره سی نینگ بیلدیریشیچه ، اولر اوز یاردم گروه لرینی زیان کورگن ساحه لرگه یوبارگن لر . لیکن حالص حدودلرده اوز یاردملرینی ایتکیزیشگه قینه له یاتکن لیگینی بیلدیرگن.

کوتیلمه گن حادثه لر وطبیعی آفتلر نتیجه سیده افغانستان نینگ ایریم منطقه لریده هرییلی اونلب انسان لر قربان بوله دیلر .

افغانستان طبیعی آفت لرگه قرشی کوره شیش اداره سی نینگ رییسی متین ادراک گه کوره ، حاثده تورلی ولایتلرده تلفات گه ایگه بولگن و معلومات لر گه کوره سو تاشقینی نتیجه سیده ، فاریاب ولایتی ده 16 کیشی ، بادغیس ولایتی ده 20 کیشی ، غور ولایتی ده 16 کیشی ، دولت آباد ولسوالی گیده 20 کیشی ، دایکندی ولایتی ده 5 کیشی ، بامیان ولایتی ده هم 5 کیشی ، بغلان ولایتی ده اوچ کیشی و شونینگ دیک تخار ولایتی ده ایککی کیشی هلاک بولگن لر .

ادراک جناب لری نینگ ایتیشیچه ، اوشبو سو تاشقینی یوز بیرگنی ، مینگلب انسان لر گه مالی زیان هم ایتکیزگن . شو نینگ دیک اوشبو طبیعی آفتده یولر ، سو توغانلری و کانال لر ایریم منطقه لر ده بوزیلگن.

بو حالتده قرگنده ، فاریاب ولایتی نینگ اهالیسی دن بیری، حسن سرداش سو تاشقینی دن ضرر کورگنلر نی سانی نینگ کوپ دییشیب لیکن دولت تمانیدن حاضر گه چه اولرگه هیچ قنده ی یاردم ایتکزیلمه گن لیگنی قید ایتگن .

شونینگ دیک افغانستان طبیعی آفت لرگه قرشی کوره شیش اداره سی هم ، غور ولایتی نینگ یول لری بیکیلگن لیگی باعث ، حاضر گه قدر اوشبو ولایت گه یاردم لر ایتیشمه گنی نی اورغو بیردی. افغانستان طبیعی آفت لرگه قرشی کوره شیش اداره سی یوزبیرگن سو تاشقینی نتیجه سیده ضرر کورگن اهالیگه تیز راق یاردم بیریش اوچون امکانیت آز بولگنی دن هم سوز یوروتدی. افغانستان طبعی آفت لری باعث ، ضرر کوریب کیله یاتگن مملکتلر قطاریده بولیب ، هرییلی ایسه بو اولکه ده یوز بیرگن طبعی آفت لر نتیجه سیده ، اونلب انسان لر اوز حیاتینی قولدن بیره دیلر .