بریتانیا سیلاو نتیجه لری و افغانستان اورنی

نیک کلیگ و دیوید کامرون
Image caption بریتاینا عمومی سیلاولریده هیچ بیر حزب اکثیرتنی قولگه کیریته آلمه گن

بریتانیاده لیبرال دموکراتلر حزبی ، محافظه کارلر بیلن بیرگه قدرت بولیشیش مسئله سینی مباحثه قیلماقده

.

مباحثه لر پنجشنبه کونگی انیق غالب نا انیق قالگن عمومی سیلاولر آرتیدن کوزه تیلماقده .

پنجشنبه کونی بولیب اوتکن سیلاولر نینگ نهایه نتیجه سی کونی کیچه اعلان قیلندی . سونگی نتیجه لر گه کوره ، محفظه کار لر پارلمانده کی 306 کرسی نی ایگه له دی لر ، ایشچی یا محنت حزبی ایسه ، 258 اوریننی و لیبرال دیمورات لر 57 اورینگه و قالگن حزبلر 29 اورینگه ایگه بولدیلر .

بریتانیا پارلمانیده مطلق اکثریتنی قولگه کیریتیش اوچون پارلمانده کی 650 اوریندن اینگ آزیده 326 اورینگه ایگه بولیشی لازم . لیکن محفظه کار لر باشقه حزبلردن کوره کوپراق اروینگه ایگه بولگنی بیلن هم مطلق اکثریتنی قولگه کیریتیشگه موفق بولمه دیلر .

1997 نچی ییلدن بیری اقتدارده بولیب کیلگن ایشچی حزبی ایسه ، کته سانده کی اورینلرینی بای بیردیلر .

محافظه کار لر رهبری دیود کامرون لیبرال دموکراتلر بیلن ، اتفاق توزیشگه تیار ایکن لیگنی بیلدیردی. عینی دمده بریتانیا باش وزیری گردون براون هم ایشچی حزبی نینگ لیبرال دموکراتلر بیلن اتفاق توزیش ایستگی بیلن چیققن.

اما لیبرال دموکرات حزبی نینگ رهبری نیک کلیگ ، بیرنچی بولیب اینگ کوپ اوریننی قولگه کیریتگن محتفظه کار لر بیلن اتفاق توزیشگه اورینیشی نی معلوم قیلگن ایدی. و کونی کیچه کیچ قورن دیود کامرون و نیک کلیگ ، اتفاق توزیش خصوصیده قدرتنی بولینیی خصوصیده مذاکره آلیب باردیلر .

شو باعث بوگن (شنبه 8 می ) جناب کلیگ ، محافظه کارلر تمانیدن ایلگری سوریلگن تکلیف نب بحث قیلیش اوچون ، اوز حزبی ن نیگ یوقاری مرتبه لی اعضا لری بیلن ییغین اوتکزماقده .

Image caption بریتانیاده کی کوپ گینه اهالی افغانستانده کی اوروشگه قرشی

افغانستان اورنی

بریتانیا سیلاولری ، انیق بیر غالب اعلان بولمسدن نهایه تاپگن ایکن ، و ییریک حزبلر ینگی حکومت قوریش اوچون باش قاتیره یاتکن پیتده ،اورته گه چیقه یاتکن مهم سواللردن بیری- بوندن بویانیگه بریتانیا ننیگ افغانستانگه نسبتا سیاستی قنده ی بوله جگی حقیده . افغانستان ماجرا سی بریتانیا ده بحثلی مسئله لردن بیری سنه له دی.

بی بی سی ننیگ کابلده کی مخبری مارتین پیشنس نینگ ایئتیشیچه ، کیم بریتانیا نینگ کیله جک باش وزیری بولیشیدن قطعی نظر ، افغانستان تشقی سیاستیده اینگ یوقاری اروینده قاله دی .

بریتانیا ننیگ افغانستانده اون مینگدن آرتیق قوشونلری جایلشتیریلگن و بریتانیا حکومتی افغانستان دولتی آرقه لی ، ممکلت ده قورولمه لر نی قیته تیکلش و قابلیتلر نینگ رواجلنتیریشی اوچون ییریک مقدارده پوللرنی صرفله ماقده .

عموما آلگنده سیلاو تبلیغات عملایتی زمانیده بریتانیاده سیاستیده کی اوچ ییریک حزب رهبرلری نینگ برچه سی هم ، افغانستان گه نسبتا سیاست بوییچه مشترک توشونچه گه ایگه ایدیلر . برچه سی قوشونلر نینگ افغانستان حکومتی نی دستکلش اوچون قالیشینی ایستیدی، هر چند برچه سی هم افغان حکومتی ننیگ اداری فساد نی دولت سطحیده یوقاتیش اوچون یینه ده کوپاق حرکت قیلیشینی طلب قیلگنلر .

اما مسئله نینگ قیزیق تمانی ایسه ، افغانستانده کی اوروش بریتانیا جمیعتی ایچیده یاقیمسیز بیر اوروش سنه له دی و کوپلر بو اوروشگه قریلر . بونگه سبب ایسه افغانستانده کی بریتانیا عسکرلری آره سیده تلفات نینگ کون سایین آرتیب باره یاتکنلیگی دیر.

شو باعث بریتانیا ننیگ کیلگوسی باش وزیری کیم بولسه هم ، اوز کوچلرینی وطنگه قه یتریش اوچون خلق تمانیدن ییریک باسیم لر آستیده قالیشی ممکن.