بریتانیامشترک حکومتی:"افغانستان استوار مساله"

Image caption دوید کامرون حزبلر اره سیده گی قرمه –قرشیلیکلرنی برطرف ایتیشگه وعده بیرگن

کانسروتیو یا عنعنه دارلر حزبی رهبری دوید کامرون بوکون بریتانیا نینگ ینگی باش وزیری صفتیده ایش باشله دی . دویدکامرون مشترک حکومت گه باشچیلیک قیله دی.

لیبرال دیموکراتلر حزبی بیلن تاریخی اتفاققه کیریشگه راضی بولیشی آرتیدن، ایندی جناب کامرون اوز حکومتنی توزیشگه کیریشگن.

دوید کامرون حزبلر اره سیده گی قرمه –قرشیلیکلرنی برطرف ایتیشگه وعده بیرگن بولسه، لیبرال دیموکرات لر رهبری نیک کیلگ هنوز شبهه ده بولگن سیلاوچی لرنی اوزلریدن کونگیل اوزمسلیککه چقردی.

ایریشلگن کیلشوگه موافق ، نیک کلیگ 43 یاشلی کامرون نینگ معاونی ایتیب تعینلندی.لیبرال دیموکراتلردن ینه تورت نفر ایسه وزیرلر محکمه سی ترکیبیگه کیرتیلدی.

اوتگن 70 ییل بدلیده بریتانیاده مشترک حکومت فعالیت یورتمگندی.

بریتانیاده اوتگن هفته بولیب اوتگن سیلاولرده کانسروتیولر حزبی پارلمانده اینگ کتته سانده گی اورینی ایگللهگندی.

بیراق یککه اوزلری حکومت توزیش درجه سیده اورینلرنی قولگه کیرته آلمگنلیکلری اوچون، پارلمانده معلق وضعیت وجودگه کیلگندی.

بونینگ آرتیدن حزبلر مشترک حکومت توزیش اوچون مذاکره لرگه کیریشب کیتشگن، کانسروتیو لر و لیبرال دیموکراتلر آره سیده سه شنبه کونی ایریشلگن کیلشو ایسه ، لیبرال باش وزیر گوردون بروان نینگ استعفا سی بیلن یکونلندی.

دوید کامرون هله قچان تورت مهم وزیرلیک لوازملریگه اوز حزبی اعضالرینی تعین لب اولگورگن.

جورج اوزبورن مالیه وزیری، ویلیام هیگ تشقی ایشلر وزیری، لیم فاکس مدافعه وزیری و اندریو لانسلی ساغلیقنی سقلش وزیری ایتیب تعین لنگن.

لیبرال دیموکراتلرنینگ مالیه وزیرلیگی سوزچی سی وینس کیبل ایسه، تجارت وبانکلر"گه مسئول لوازملیده تعین قیلنگن.

جمعی 20 نفر لیبرال دیموکراتلرنینگ ینگی حکومت ترکیبگه کیریشی کوتله یاتر.

کانسروتیو منبع لریدن کیله یاتگن معلوماتلرگه کوره، ینگی بودیجه 50 کون ایچیده معقوللنهدی.مملکت بودیجه سیگه تقچیلیکنی کمیتریش اوچون سعی-حرکتلر کوچیتیرله دی، 6 ملیارد پوند استرلینگگه تینگ مبلغ تیجب قولیشگه اورینلهدی.

ینگی کوز لنه یاتگن ریجه لرگه موافق ، کیله سی سیلاولر 2015 نینگ می آییگه قدر اوتکزلمیدی.

افغانستان ینگی دولت کون ترتیبده

Image caption ینگی تشقی ایشلر وزیری ویلیان هیگ افغانسان استوار وظیفه بولیشنی ایتگن

بریتانیاده ینگی مشترک حکومت نینگ برینچی ایش کونی ینگی تشکیل ایتلگن مللی خوف سیزلیک کینگاشیده افغانستان و پاکستان مساله سی محاکمه ایتلگن.

ینگی تشقی ایشلر وزیری ویلیان هیگ افغانسان استوار وظیفه بولیشنی ایتگن .

بریتانیاده مللی خوف سیزلیک کینگاشی نینگ تشکیل ایتییش، عنعنه دار لرنینگ سیلاو آلدی وعده لریدن ایدی.

اولرگه کوره مملکت و تشقری سیده خوف سیزلیک عملیاتلرینی موافقلشتریش اوچون بو جوده مهم.

کون ترتیبده گی اساسی مساله لرافغانستان، پاکستان و بریتانیا یوز توته یاتگن ترورتهدیدی.بریتانیاده گی ییریک فرقه لرنینگ همه سی بریتانیا کوچلری نینگ افغانستانده گی اشتراکنی دستکلشگن.

بریتانیا افغانستانده قوشونلر سانی بویچه ایککینچی دولتدیر.

او ییرده توققیز یریم مینگ بریتانیا لیک عسکرلر جایلشتیرلگن.

بریتانیا اوزی نینگ مدافعه و خوف سیزلیک استراتیژی سینی قیته کوریب چیقیشی کوتلماقده.