حامد کرزی بوکون باراک اوباما بیلن اوچره شه دی

Image caption حامد کرزی باراک اوباما بیلن اوچ ساعت لیک مذاکره اوتکزیشی کوتله دی

افغانستان جمهوررئیسی حامد کرزی ، امریکا جمهور رئیسی باراک اوباما بیلن بوکون آق اویده اوچره شی کوتلماقده.

حامد کرزی نینگ تورت کون لیک امریکا ده گی سفریدن اساسی مقصد ، واشینگتن و کابل آره سیده پیدا بولگن سونگی ترنگ وضعیت نی یومشه تیش دیر.

افغان جمهور رئیسی سه شنبه کونی امریکا تشقی ایشلر وزیری خانم هیلاری کیلنتون بیلن اوچره شگندی. خانم کیلنتون، امریکا کوچلری مملکت نی ترک قیلگن حالده هم ،امریکا افغانستانگه اوزاق مدتگه یاردملرینی دوام بیره جگنی تاکید له گن .

حامد کرزی عینی دمده،افغانستان ده یاره لنیب وطنلریگه قیتگن امریکا لیک عسکر لرنی یقیندن زیارت قیلیب اولربیرگن قربانلیکلری اوچون منت دار چی لیک بیلدرگن .

جمهوررئیس کرزی وجمهوررئیس باراک اوبامالرچهارشنبه کونی یوزمه–یوز مذاکره لرنی یولگه قوییب ، قوشمه مطبوعات انجمنیده قتنشیشلری کوتله دی .

سفری چاغیده حامد کرزی ، امریکا سنا مجلس و پارلمان رهبرلری بیلن هم اوچره شی مولجهلنگن .

مهم سفر

سه شنبه کونی مطبوعات یغینی اوتکزگن جناب کرزی وخانم کیلنتون،ایککی مملکت آره سیده ایرم کیلیشموچیلیک لرنی پیدا بولگنی وشو کیلیشموچیلیک لرافغانستانده برقرارلیک نی اورنه تش جریانیگه سلبی تاثیر قویشگنینی معلوم قیلگنلر.

کرزی جناب لرنینگ امریکا ده گی سفری افغانستان نینگ مهم بیر پله ده بولگن پیتی عملگه آشیرلماقده .

مملکت ده گی ناتو کوچلری افغانستان جنوبیده گی قندهار ولایتیده گی طالبان گه قرشی ییرک حربی عملیات لرنی عملگه آشیریش اوچون تیارگرلیک کورماقده .

شونگه اوخشش افغان ملازم لری ایسه ، طالبان بیلن قندی قیلیب مذاکره قیلیش و تینچ لیک نی اورنه تیشی یوللرینی محاکمه قیلیش اوچون قوم آقساقاللری و قبیله باشلیغی لری بیلن ملی جرگه نی یولگه قویشگه اورنماقده.

امریکا قوشمه ایالاتی ،افغانستان ده گی حربی کوچلرینی 2011 ییلی نینگ جولای آیدن باشلب آرتگه قیتریشگه امید قیلرایکن ، مملکت ده گی خوف سیزلیک وضعیتی اوتگن ییلگه نسبتا یمان لشیب بارگنی ایتلماقده.

بوندن تشقری امریکا و افغانستان علاقه لری سونگی بیرنیچه آیی مابینی ده موجود کیلشموچیلیک لر باعث ترنگ لشگندی .

قلالب کارلیک وساخته کارلیکلر کیینگ بیرشکلده کوزه تیلگن سیلاو لرده حامدکرزی نینگ موفقیت قازنیشی آرتیدن بو علاقه لر اوزی نینگ سونگ نقطه سیگه توشگندی.

اوباما اداره سی اوتگن مارچ آیده حامد کرزینی اداری فساد و بنگی وار ماده لرسودا سیگه قرشی کوره شمی بو حالت نی تحمل قیلیشگه عیب له گندی.

افغان رهبری ایسه،غربنی اوز موقعیگه زیان ایتکزگنیگه عیب لب ،حتی طالبان صفیگه قوشله من دیب عزلشگنی خبر قیلنگن.