افغانستان کوکناریگه "آفت" کیلدی

Image caption دنیاده ایشلب چیقرلگن تریاک نینگ دییرلی برچه سی افغانستان حصه سیگه توغری کیله دی .

فغانستانده گی کوکناره زارلرنینگ ضررلنیشی عاقبتیده بو ییلگی حاصل چاره ک فیصدگه قیسقریشی ممکن.

بیرلشگن مللت لر نینگ بنگی وار ماده لر و اویشگن جنایتچیلیککه قرشی اداره سی نینگ ایتیشچه، وقتی _وقتی بیلن اوچره ب تورووچی زمبوره ک افغانستان جنوبیده گی کوکناره زارلرنینگ یرمیگه یقینینی ضرر له گن.

اداره رهبری انتونیو ماریا کوستا ، اوز اورنیده، ایریم دهقانلرنینگ زمبوره ک ناتو کوچلری تامانیدن ترقهتیلگنیگه عاید فکرلرنی رد ایتگن.

جناب کوستا بونی قشاقلهشیب قالگن دهقانلرنینگ عصیانکارلیکه یوز توتیشلری بیلن ایضاحله گن.

اونینگ ایتیشچه ، تریاک بها سی هلله قچان ایللیک فیصدچه آرتیب کیتگن.

دنیاده ایشلب چیقرلگن تریاک نینگ دییرلی برچه سی افغانستان حصه سیگه توغری کیله دی . کوستان جناب لرنینگ ایتیشچه ، کوکناره گه کیلگن کسلیک اساسا هلمند و قندهار ولایتیده کینگ ترقلگن.

بو ایککی ولایت ایسه افغانستانده اینگ کوپ کوکناره ایشلب چیقره دیگن منطقه لردیر.

بیرلشگن مللتلرنینگ مخدر ماده لر و اویشگن جنایتچیلیککه قرشی اداره سی رهبریگه کوره، کوکناره حاصلی نینگ کیسکین پسیب کیتیشی منطقه ده گی طالبلر مالیه سیگه هم ضرر ایتکزیشی ممکن.

تریاک ایشلب چیقریشده اینگ برینچی اورینده توره دیگن افغانستانده یوز مینگلب اهالی وکیللری اوز روزگارلرینی هم کوکناره حاصلیگه باغلیقدیر .

افغانستان ایتیشتیره دیگن بنگی وار ماده لرنینگ ییریک قسمی مرکزی آسیا و روسیه آرقه لی اورپاگه ترقهله دی .

کوزه توچیلر گه کورهف میلیاردلب دالرگه تینگ عینی ناقانونی "صناعت" منطقه ده گی جنگرلیکنی هم مالیه لب کیله دی .