ایرانگه قرشی ناراضلیک نمایشلری

Image caption اوتگن 10 کون ایچیده ایرانگه قرشی تورت ناراضلیک نمایشلری بولیب اوتگن.

مینگ لب اهالی،افغان وطنداشلری نینگ ایران حکومتی تامانیدن اعدام قیلنگنیگه قرشی ،مملکت شرقیده گی ننگرهار ولایتیده ناراضی لیک نمایش لرنی یولگه قویگنلر.

ناراض ایرکک و عیاللر ، جلال آباد شهریده گی ایران کنسولیگی گه باریب ایران گه قرشی شعار لرنی قچقیرگن.

بوندن بیر هفته مقدم هم ایرانگه قرشی ناراضلیک نمایشلری پایتخت کابلده یولگه قوییلگندی .

اوشبو ناراضلیک نمایشلری،بیر قنچه افغانلرنی ایران حکومتی تامانیدن اعدام قیلنگن دیگن خبر لرنینگ ترقهلیشی آرتیدن اوج الگن.

دارگه اورلگن افغانلر سانی خصوصیده حاضرگچه قرمه-قرشی معلوماتلر بارترقلگن.

افغانستان حکومتی دارگه اورلگنلر سانینی آلتی کیشی دیب ایتسه ، پارلمان اعضالری اعدام قیلنگن افغانلر سانینی اونلب کیشی دیب ایتیشماقده.

ایران حکومتی حاضرگه قدر بو خصوصده انیق بیر رقمنی اعلان قیلمهگن.بیراق یولگه قوییلگن قطار ناراضلیک نمایشلرگه قرشی جدی مناسبت بیلدرگن.

ایران تشقی ایشلر وزیرلیگی ، کابل ده گی ناراضلیک نمایشلردن اساسی مقصد ایران اسلامی جمهوریتی گه ضرر ایتکزیش دیب ایشانه دی.

جلال آباد ده یولگه قوییلگن ناراضلیک نمایش تورتینچی ییرک نمایش دیر .

نمایشچیلر عینی دمده ، اوتگن ایککی آیی مابینیده 80000 مینگ افغان مهاجرلرنی جبربیلن ایراندن چیقارلیش عملنی هم کیسکن تنقید قیلیب چیققن.

افغانستان نماینده لر کینگاشی اوتگن هفته مملکت تشقی ایشلر وزیرینی مجلسگه چقریب،ایرانده گی افغانلر وضعیتنی آچیق لشینی سوره گندی.