افغانستان ده یولاوچی اوچاغی قولب توشدی

پامیر  هوا یوللری
Image caption قولب توشگن اوچاق پامیر هوا یوللریگه تیگیشلی بولگن

افغانستان پایتختی کابل شمالیده قیرق نفر آدمی بولگن یولاوچی اوچاقی سالنگ تونلی نینگ شمالی قسمیده قولب توشگن.

افغانسان ایچکی ایشلر وزیر لیگی گه کوره ، سالنگ داوانی یقینیده هلاکتگه اوچره گن اوچاق کندوز شهریدن کابلگه کیله یاتکن بولگن. کندوز پلیس باشلیغی عبدالرازق یعقوبی نینگ ایئتیشیچه ، مذکور اوچاق بوگون ایرته لب ساعت 8 یریمده کندوز تمان کیله یاتکن بولگن لیکن کندوز گه ایتیب بارمه گن.

38 نفر یولاووچی و 6 نفر ائوچاق خادمی ننیگ تقدیری نا انیق قالماقده . اوچاق افغانستانده کی خصوصی پامیر هوائی شرکتیگه تیگیشلی بولگن.

مذکور اوچاق نینگ کابل شمالیدن 100 کیلومتر اوزاقلیکده جایلشگن تاغلی حدود بولگن سالنگ داواننی یقینیده قوله گن لیگی کوزه تیلگن.

یولاوچی لر اره سیده چیت ایللیکلر بارلیگی هم ایئتیلگن. دولت رسمیلری قوتقارو عملیاتینی یولگه قویگن لیگنی معلوم قیلگن.

اوشوبع ملیات ده امرکیا و و ناتو کوچلری هم اوز اوچاقلرینی یوبارگن لیکلرینی بیلدیریشگن.

افغانستان ایچکی ایشلر وزیرلیگی نینگ سوزچیسی زمری بشری : " مین 38 کیشی یولاووچی سی و بیش نفر کابین خادملری بولگن بیر اوچاق نینگ سالنگ داوانی یقینیده قولب توشگن لیگنی تصدیقلیمین " دیب ایئتگن.

ناتو تمانیدن ترقلگن بیاناتده ایئتیلیشیچه ، هر چند قوتقاروو عملیاتی اوچون اوچاقلر حادثه محلیگه جونه تیلگن. لیکن ، هوا یمانلیگی ، قیدیروو عملیاتی آلدیده توسیق بولماقده .

سالنگ داوانی هندوش تاغلیلرینی کیسیب افغانستان شمالینی مرکزگه باغلاوچی تاغلی یول سنه له دی .

پامیر هوا یوللری شرکتی ، افغانستاتنده سونگی ییلرده آچیلگن بیر نیچه خصوصی هوائی شرکت لر نینگ بیری دیر. اوشبو شرکت ، دوبی کبی چیت دولتلر یانیده اساسا ایچکی پرواز لر بیلن شغلله نه دی .

هر چند حادثه سببلری حاضر گه چه انیق ایمس. لیکن بی بی سی نینگ کابلده کی مخبریگه کوره ، ایریم لر هوا نینگ یمانلیگی و سالنگ حدودیده قار یاغینگرچیلیگی بارلیگی سبب بولگن دیگن احتمال نی ایلگری سورماقده .

بوندن الدین 2005 نچی ییلده کام-ایر خصوصی هوا شرکتی نینگ بیر یولاوچی اوچاقی ، کابل شرقیده کی بند غازی منطقه سیده قولب توشگن ایدی. مذکور حادثه ده 100 ارتیق کیشی هلاک بولگن ایدی.