سرپل ده طالبان قومانداننی قولگه کیرتلدی

Image caption سرپل ولایتیده طالبان نینگ ملا جانان اسملی قومانداننی قولگه کیرتلگن.

افغانستان شمال غربیده گی بادغیس ولایتده طالب لر و افغانستان خوف سیزلیک کوچلری آره سیده یوز بیرگن آتشمه لرده اوندن آرتیق طالب تلف بولگن.

عصیانچی لر ایسه اوشبو منطقه ده ایساف کوچلریگه ضرر یتکزگن لیک لرینی تاکیدلشماقته.

بادغیس ولایتی پلیسگه کوره، طالب لر بیلن توقنه شولر اوشبو ولایت نینگ بالا مرغاب ولسوالیگیده یوز بیرگن.

بادغیس ولایتی نینگ پولیس باشلیغی سید محمد سامع گه کوره، بالا مرغاب ولسوالیگی نینگ چبچل قشلاغیده یوز بیرگن آتشمه لرده طالب لر تمانیدن اوندن آرتیق کیشی تلفات کورگن.

پلیس باشلیغی نی ایتیشچه،تناوون توشدن کیین باشله نیب بوگون ایرته لب گه چه دوام ایتگن آتشمه لرده طالب لرنظارتیده گی کوپلب منطقه لر افغانستان خوف سیزلیک کوچلری قولیگه اوتگن.

رسمیلرنی معلوم قلیشچه، اتشمه لر جریانیده عادی اهالیگه ضرر یتمه گن.

اما طالب لر تمانی ایسه عملیات باشله تیلمسدن الدین ، خارجی حربی لر کاروانیگه هجوم اویشترب خارجی لرنی کمیده ایککی زرهلی تانک لرینی بوزیب بیرنیچه عسکرلرینی اولدرگن لیک لرینی ادعا ایتماقته.

بوندن ایککی کون الدین ایسه عینا انه شو منطقه ده ایساف کاروانی نینگ ماین گه دوچ کیلیشی عاقبتیده ایککی کیشی ایتالیا لیک هلاک بولدی وینه ایککی کیشی حربی سی ایسه یره لندی.

افغانستان غربیده گی فراه ولایتده ، قوزغلانچیلرنی بیر قورلیش شرکتیگه هجوم اویشتریش لری نتیجه سیده ، شرکت نینگ بیر خادمی هلاک بولگن، ایککی خادمی یره لنگن و 6 کیشی خادمی ایسه قوراللی لر تمانیدن الیب کیتلگن.

قوراللی قوزغلانچی لر هجومیگه اوچره گن، خصوصی قورلیش شرکتی فراه ولایتی نینگ بالا بولوک منطقه سیده استنادی دیوار لر قوریش بیلن مشغول بولگن.

فراه ولایتی نینگ امنیت امری محمد عیسی اوشبو حادثه ده عصیانچی طالب لر نی عیب له ماقته اما طالب لرنی اوزی حاضرگه چه بو خصوصده مناسبت بیلدرگه نی یوق.

فراه ولایتی نینگ پولیسگه کوره، عصیانچی لر تمانیدن اوغیرلنگن شرکت خادملرینی قوتقزیش اوچون سعی و حرکت لر دوام ایتماقته.

سرپل ده طالبان قومانداننی قولگه کیرتیلدی

افغانستان شمالیده گی سرپل ولایتی نینگ خوف سیزلیک مسولریگه کوره، اولر طالب لرنی تانیقلی محلی قوماندان لریدن بیرنی قولگه آلیشگه موفق بولیشگن.

سرپل ولایتی نینگ امنیت اداره سی باشلیغی، محمد امین قاضی زاده گه کوره، سرپل ولایتده طالب لر تمانیدن پولیس باشلیغی ایتب تعیین لنگن ملا جانان اسملی شخص، سرپل ولایتی مرکزیده قولگه الینگن.

سرپل ولایتی نینگ رسمیلریگه کوره، ملا جانان سرپل ولایتده سونگی وقتلرده یوز بیرگن بیرنیچه بوزمه کارلیک لرگه مسول دیر.

سرپل ولایتی نینگ خوف سیزلیک مسوللری طالب لرنینگ بو محلی قوماندانینی قولگه آلنیشی سرپل ولایتده دولت گه قرشی فعالیت آلیب باره یاتگان باشقه قوزغلانچی لرنی قولگه النیشگه زمینه یره ته دی.