ایتتی خودکش هجومچی پلیس قرارگاهنی نشانگه آلدی

Image caption هجوم جنوب شرقی پکتیکا ولایتی نینگ اورگون منطقه سیده روی بیرگن

طالبان عصیانکارلری افغانستان جنوب شرقیده گی پکتیکا ولایتیده نینگ پلیس قرارگاه لریدن بیریگه هجوم اویشترگن.

عصیانکارلر قرارگاه ایشیگی یاینده خودکش هجومی اویشتریب کیینچه لیک پلیس کوچلری بیلن قورالی توقنه شو لرگه باشله گن .

مسئوللرنینگ ایتشلریچه ، هجومدن نشان شرقی پکتیکا ولایت نینگ اورگون ده گی افغان جیگره پلیس خذمتی اداره سی بولگن.

انتحاری هجومچی پارتلاوچی ماده تولدیرلگن یوک موترینی اداره ایشیگیگه باریب اورگن.

عاقبتده قوروقچیلکده تورگن بیر پلیس ظابتی قربان بولگن.بیر نفری یاره لنگن.

مسئولرگه کوره، هجومچیلر خارجیلیک حربی لرنینگ لباسیده بولیشگن.

وپارتلش آرتیدن اداره گه باستریب کیرماقچی بولگن ینه تورت هجومچی پلیس خادملری تامانیدن آتیب اولدیرلگن.

هجوم مسولیتنی طالبان اوز ضمه سیگه آلگن.

طالبان سوزچی سی ذبیح الله مجاهد نینگ ایتشچه ، یوک موتریگه ایتتی مینگ کیلو گرام پارتلاوچی ماده جایلنگن بولگن.

اونگه کوره، پاکستان بیلن جیگره ده گی پلیس اداره سینی ایتتی هجومچیلری هجومگه توتیب، 20 نفر محلی و خارجی عسکرلرنی اولدریشگن.

بیراق افغانستان مسئوللری طالبان تامانینگ تلفاتلرگه عاید دعوالرینی تصدیقلشمهگن.

افغانستان ایچکی ایشلر وزیری نینگ بیلدریشچه ، هجوم آرتیدن اوچ عصیانکار قچایب قالیشگه موفق بولیشگن و حاضر اولرنی قیدریش باشلنگن.

بو افغانستانده اوتگن یک شنبه کونیدن بویان اویشترله یاتگن اوچینچی خودکش لیک هجومدیر.

اورگون محلی ملازم لری طالبان جنگریلری شمالی وزیرستاندن اوتیب، اوز هجوملرنی عملگه آشیریشلرینی ایتیب کیله دیگن پاکستان بیلن جیگره ده جایلشگن.

پاکستان نینگ شمالی و جنوبی وزیرستان منطقه لری " القاعده"گه علاقه سی بولگن و طالبان داخل باشقه اسلامی جنگریلرنینگ باش پناه سی حساب لنهدی .

طالبلر ینه ده تجاوزکار بولیب باره یاتگن ، جنوبی قندهار ولایتیده ایسه، یول یاقه سیده اورنه تیلگن بمب نینگ پارتلشی عاقبتیده بیر تینچ فقرا قربان بولیب ، اوچ باله یره لنگن.

پارتلش افغان استخبارات خذمتی خادملری توشگن موتر یولدن اوتیب کیته یاتگن بیر پیت یوز بیرگن.