عصیانکارلر ناتو نینگ قندهارده گی قرارگاهیگه هجوم قیلدی

Image caption قندهار هوا قونالغه سیده گی عسکر لر ملکی شخص لر ییر توله لریده باش پناه آلیشگه مجبور بولیشگن.

طالبان عصیانچیلری افغانستان جنوبیده کی قندهار هوا قونالغه سیده کی خلق آرا کوچلر نینگ ییریک حربی قرار گاه لریگه قرشی هجوم اویشترگنلر.

عصیانچیلر کونی کیچه اقشام چاغی ،راکتلر بیلن قندهار هوا قونالغه سیگه هجوم اویشتیرگن.

هوا قونالغه گه کمیده بیش راکت اتیلگن و نتیجه ده بیر نیچه کیشی حربی خادم لر یره لنگن.

بو ایسه اوتکن بیر هفته مابینیده افغانستانده کی خلق ارا کوچلر گه قرشی اویشتیرلگن اوچینچی هجوم دیر.

اشبو هجوم لردن کیین ،افغانستان گه سفر قیله یاتکن بریتانیا دولتی ننیگ اوچ وزیری قندهار گه بولگن سفرلرینی بیکار قیلگن.

کابلده کی بی بی سی مخبری گه کوره وزیرلر نینگ سفری بیکار قیلینیشی خوفسیزلیک وضیعتی ننیگ نی قدر افگار ایکن لیگی نی کورسه ته دی .

خبرلرگه کوره راکت لردن بیری هلیکوپتر قونه یاتگن محل لردن بیریده کیلیب توشگن.ایتلیشچه خوف سیزلیک چاره تدبیرلر قرارگاه ده کوچی تیرلگن.

ناتو کوچلری سوزچی لریدن بیری نینگ ایتیشچه قندهار قرارگاه تورت ساعت راکت هجومی آستیگه آلینگن.

عین سوزچی گه کوره عصیانکارلرراکت هجومی آرتیدن قرارگاه گه کیریشگه اورنیشگن بیراق محل ده گی خارجی عسکرلر تمانیدن آرتگه سورلگن.

سونگی هجومده، یره لنگن شخص لرنینگ کسل خانه ده دوالنه یاتگنی معلوم قیلنگن.

بوندن اولراق طالبان عصیانکارلری کابل ده گی امریکالیک لرنینگ بگرامده گی ییرک قرارگاه گه هجوم اویشترگندی.