"بهسودمعماسی حل بولمه سه یمان عاقبتلرگه سبب بوله دی"

Image caption هرییلی هوا اسیشی بیلن هزاره لر و کوچیلر اره سیده توقنه شولر یوزبیره دی.

اوتگن هفته افغانستان دولتی بهسود و دایمرداد تومنلریده کوچی لر وهزاره قومی اره سیده یوزبیرگن توقنه شولرگه نقطه قویش اوچون بویوروغ چیقارگن ایدی اما کورنشچه بومسله حاضرگه قدر هم حل بولمه گن.

کوچیلر قومیگه منسوب ایریم ملت وکیللری کابلده اوتکزگن مطبوعات انجمنیده یوزه گه چیققن جنجلنی حلی اوچون زودلیکدده اقدام قیلیشینی حکومت دن سوره دیلر.

"تکیلیفی میز حکومتگه شوکی حقی میزنی بیزگه بیرسین، حکومت کوچیلرگه بوییل نینگ اخری و کیله جک ییل بوموضوعنی حل قیله میز دیب وعده بیرمه سین، حکومت بوموضوعنی کینگه تشله مه سین"

دیب ایتدی پارلمان کینگاشیده اورن الگن کوچیلر وکیلی عبدالقادر کوچی

شونینگ دیک کوچیلر قومیگه منسوب بولگن ملت وکیللری جنجل زودلیک ده حل بولمه سه عاقبتی نینگ یمان بولیشی بیلن اگاه لنتردیلر.

وردک ولایتیگه باغلیق دای مرداد و بهسود ولسوال لیک لریده، کوچیلر و هزاره قومی اره سیده یوزگه چققن ییر جنجلی دن قریب بیش ییل اوتماقده.

هرییلی هوا اسیشی بیلن بوایککی قوم اره سیده توقنه شولر یوزبیره دی.

بوندن بیرهفته الدین یوزبیرگن توقنه شولرده اینگ ازآلتی کیشی هلاک بولگن.

کوچیلر اوشبو ولسوال لیک لرده بولگن اوتلاق زارلرنی اوزلریگه تیگشیلی ایکنینی ادعاقیله دیلر.

عکسینچه هزاره قومی هم عینی دعوا بیلن چیقیب کوچیلرنینگ دای مرداد و بهسبود ولسوال لیک لریده کی اهالی اویده هجوم قیلگنینگه عیبلیدی.

اما کوچیلر وکیللریدن باشقه بیری ملاتره خیل ایسه شوندی ادعالرنی مطلقا رد ایتیب، هزاره لرنی کوچیلرگه قرشی کیمین آلگندیب ادعا قیلدی.

خوب شوندی قره مه قرشی فکر لر یوزه گه چیقرایکن بومسله نی حلی اوچون تعین ایتلگن کمیسیون باشلیغی افغانستان جمهورریسی نینگ مصلحت چیسی وحیدالله سباوون حامدکرزی بویوروغی اساسیده هرایکله قوم اره سیده آتش کیسین بولگنینی ایتدی.

شونگه علاوه قیلیب سباوون جنابلری قضیه نی حلی اوچون بیرگروه هیات تشکیل ایتلگنینی ایتیب کوچیلرگه ییر ترقه تیلشینی معلوم قیلدی.

باشقه تماندن ایسه کوچیلرنی منطقه دن چیقیب باشقه بیر منطقه ده جایلشگنینی اورغوله دی.

بوندن بیرنیچه کون الدین هزاره لر هم کابلده اوتکزگن ناراضلیک نمایشلریده کوچیلرنی بهسود ودای مرداد ولسوال لیک لریدن چیقاریشنی دولت دن سوره گن ایدیلر.

عینی حالده بومسله گه اعتبار بیریلمه سه ملی تینچلیک مشورتی جرگه سیگه حصصه قوشمسلیک لرینی هم تاکیدله گندی.

هرچند افغانستان دولتی بومعمانی حلی اوچون کوچیلرگه ییر ترقه تیشینی سوزبیرگن، اما کوچیلر وکیللری ایریم حجتلرنی کورسه تیب، بهسود و دای مرداد ولسوال لیک لریده کی اوتلاق زارلرنی کوچیلرگه تعلیقلی دیب هیچ بیرزمان معامله قیلمس لیک لرینی ایتگن.