"عبدالله طرفدارلری تینچلیک قورلتایده اشتراک قیلمسلیگی ممکن"

Image caption عبدالله عبدالله باشچیلیغیده قوریلگن تغیر امید ناملی بیر اتفاق ملی مشورتی جرگه سی نینگ ملی ایمس لیگینی اورغوله گن

داکتر عبدالله عبدالله باشچیلیغیده قوریلگن تغیر امید ناملی بیر اتفاق ملی مشورتی جرگه سی نینگ ملی ایمس لیگینی اورغولب اوشبو جرگه ده حصصه قوشمسلیک لرینی تاکیدله گن.

ملی تینچلیک مصحلتی جرگه سی نینگ بولیب اوتیشگه بیرهفته قالرایکن، اما بو جرگه نینگ یولگه قویلیشگه قرمه قرشی فکر هم کون ساین ارتیب بارماقده.

ملی جبهه وایریم سیاسی حزبلر بیرقنچه ملت وکیللری اشتراکی بیلن قوریلگن تغیر وامید ناملی اتفاق ایسه بولیب اوتیشی کوتیله یاتگن جرگه نینگ وکیللری حکومت تمانیدن تعین ایتلگنینی قتیغ قاره لب چیقدیلر.

اتفاق سوزچیسی سید فاضل سنچاره کی، جرگه وکیللری نینگ دولت طرفدارلری دیب بولیب اویتشی ریجه لنگن ملی تینچلیک جرگه نینگ ملی ایمس لیگینی دعوا قیلدی.

شونگه قوشیمچه قیلیب سنچاره کی جنابلری تغیر وامید ناملی اتفاق اعضالرینی خبربیریلمه گنی عینی حالده جرگه نینگ حقوقی اورنی بولمه گنی باعث اوشبو اتفاق اعضالرینی ملی مصلحتی جرگه سیگه اشتراک ایتمس لیک لری بیلن اگاه لنتردی.

شونینگ دیک سنچاره کی جنابلری یولگه قویلیشی کوتیله یاتگن ملی تینچلیک جرگه سی نینگ قندی بیر انیق آجنداگه ایگه بولمه گنینی هم قتیغ تنقیدلب چیقدی.

حال بوکی افغانستان حکومتی ملی تینچلیک جرگه سی نینگ یولگه قویلشدن اساسی مقصد دولت گه قرشی اورشیب کیله یاتگن مخالف گروهلر بیلن مذاکره الیب باریش اوچون یول یوروق لر کوریب چیقیلیشی دیه بهالیدی.

خوب شوندی ایکن افغانستان ریاست جمهوررلیک سرای نینگ سوزچیسی وحید عمر جرگه اشتراک چیلری نینگ روی خطی اعلان ایتیلمی، شوندی قرمه قرشی فکر لرنینگ یوزه گه چیقیشی سیاسی بیر مخالفت دیب اورغوله دی .

شونینگ دیک عمر جنابلری شوندی قرمه قرشی فکر لرحکومت تمانیدن ایلگری سوریلگن برنامه لریگه قرشی لیک بیلدریش دیدی.

بوندن الدین ایریم ملت وکیللری اون بیر وزیرلیکده نامزد وزیرلری نینگ معرفی ایتیلمه گنیگه قرشی لیک بیلدریب ملی تینچلیک جرگه سیگه حصصه قوشمس لیک لرینی ایتگن ایدی.

عینی حالده بیرقنچه هزاره قومی و کوچیلر وکیللری بهسود و دای مرداد ولسوال لیک لریده، یوزه گه چیققن جنجللر حل بولمه سه بولیب اوتیشی کوتیله یاتگن جرگه ده اشتراک ایتمسلیک لری بیلن اگاه لنترگن ایدی.

ملی مصلحتی تینچلیک جرگه سی جوزا ای نینگ اون ایکینچی سیده بولیب اوتیشی ریجه لنیب بوتون افغانستان بویلب 1600 کیشی چقریله دی.

شونگه قوشیمجه اوچ یوز کیشی هم مهمان صفتیده اوشبو جرگه ده حصصه قوشیشی کوتیله دی.