هندوستانده قطار یولیدن چیقریب یوبارلیشی عاقبتده 65 کبشی اولدی

Image caption روی بیرگن حادثه ده کمیده 65 کیشی هلاک بولگن

هندوستان شرقیده یولدن چیقریب یوبارلگن بیر قطار نینگ ایککینچی سی بیلن توقنه شیشی عاقبتیده کمیده 65 انسان حیاتدن کوز یومگن.

حکومت رسمی لری حادثه مائوئیست عصیانچی لرنینگ قؤ پاروچیلیک عملی ایکنینی ایتیشگن.

کلکته –ممبئ یونه لیش بویچه حرکت لنه یاتگن قطار اوتگن تون غربی بنگال ایالتی دن یولیدن چیقب کیتگن.

او یرده قطار کیله یاتگن تیمر یولنینگ معلوم قسمی آلیب تشلنگن بولگن.

عاقبتده واگونلر و یولاوچی لر قرمه-قرشی تماندن کیله یاتگن یوک قطاری یولیگه آتیلیب کیتگن.

" تیمر یول رسمی لریگه کوره، حادثه جایی قارانغو بولگن.خلص،هیدوچی بوزیب قویلگن یولنی کوره آلمه گن"،دیب خبر قیله دی بی بی سی مخبری.

هلاکتدن بیرنیچه ساعت اوتیب هم قوتقرو گروه لری امان قالگنلرگه کمک بیریشگه حرکت قیلشماقده.

کمیده 200 انسان تن جراحت آلگن، اما جبر کورگنلر سانی آرتیشی کوتلقماده.هلی هم کلکته غربیدن 150 چقریم اوزاقده گی غربی میدنپور منطقه سیده آدملرنی پچقله نیب کیتگن واگونلر ته گیدن چیقریب آلیش ایشلری دوام ایتماقده.

مذکور حدود مائوئیست عصیانکارلرنینگ تیینچ نقطه سی حساب لنه دی .