بدخشانده 8 پلیس هلاک بولدی

Image caption هلاک بولگنلر مخدر ماده لرگه قرشی کوره شه یاتگن مخصوص کوچلر بولگن

افغانستان شمالیده گی بدخشان ولایتی رسمیلریگه کوره اوشبو ولایت مخدره ماده لریگه قرشی کوره شیش پولیس کوچلری نینگ موتری یول یانیده گی ماین گه دوج کیلب 8 کیشی پلیس هلاک بولشگن.

حاضر گه چه اوشبو حادثه کیم و یا کیم لر تمانیدن اویشترلگن لیگی معلوم ایمس، هیچ بیر گروه هم حادثه مسولیت نی اوز بوینگه الگنی یوق.

بدخشان ولایتی رسمیلریگه کوره ، حادثه اوشبو ولایت نینگ درایم ولسوالیگده یوز بیرگن.

بدخشان ولایتی نینگ مخدره ماده لریگه قرشی کوره شیش اداره سی نینگ باشلیغی، مصدق الله جنابلریگه کوره، مخدره ماده لریگه قرشی کوره شیش مخصوص پولیس کوچلری نینگ موتری یول یانیده گی ماین دوچ کیلگن.

مصدق الله جنابلریگه کوره، مخدره ماده لریگه قرشی کوره شیش کوچلری نینگ موتری اوزاقدن توریب باشقریله دیگان اسکونه آرقه لی پارتله تیلگن.

بدخشان ولایتی نینگ خوف سییزلیک مسوللریگه کوره هلاک بولگن 8 کیشی پلیس کوچلری اره سیده ، ایرم یوقاری مرتبه لی پولیس خادم لری هم بار.

رسمیلرگه کوره مخدره ماده لریگه قرشی کوره شیش پولیس کوچلری، درایم ولسوالیگیده گی بیر کوکنار ی زارنی ویران ایتب قیته یاتگان وقتلری پارتلوچی ماده گه دوچ کیلیشگن.

بدخشان ولایتی نینگ مخدره ماده لریگه قرشی کوره شیش اداره سیگه کوره، اوشبو حادثه ده پولیس نینگ بیر موتری بوتونلی بوزیلب کیتگن.

حاضر گه چه هیچ بیر شخص و یا گروه اوشبو حادثه مسولیت نی اوز بوینیگه الگنی یوق، بدخشان ولایتی رسمیلری هم بو حادثه افغانستان حکومتی دشمن لری تمانیدن اویشترلگن لیگی نی تاکیدلشماقته.

افغانستان شمال شرقیده گی بدخشان ولایتی ، کوپ مقدارده مخدره ماده لری ایکب چیقاریله یاتگان لیگی ایتله دی، تاجیکستان چیگره سیده جایلشگن.

اوشبو ولایت دن کوپ مقدارده مخدره ماده لری خارج مملکت لریگه قاچاق ایتله یاتگان لیگی ایتله دی.

بدخشان ولایتی رسیملری ؛ایسه مخدره ماده لریگه قرشی کوره شیش مخصوص پولیس کوچلرینی نشان گه آلگن شخص و یا گرو ه لرنی قولگه النیب جزا گه تارتلیش لری اوچون تحقیقات ایتشلر باشله تیلگن لیگی نی ایتشماقته.