تینچیلیک جرگه سی نهایه تاپدی

حامد کرزی  تینچیلیک جرگه سیده

افغانستان پایتختی کابلده تورلنگن مملکت نینگ بیر یریم مینگدن ارتیق کیشی نینگ اشتراکی بیلن طالبان و دولت گه مخالف قوراللی گروه لر بیلن تینچیلیککه ایریشیش یوللرینی تاپیش باره سیده گی ملی تینچیلیک قورولتایی جمهور رئیس کرزی تکیلیفینی قولب-قوتلشگن.

قیزغین بحث و مناظرهلر بیلن اوتگن اوچ کونلیک مجلس سونگیده افغانستان تینچیلیک جرگه سی اشتراکچیلری قوراللردن واز کیچگن طالبلرنی عفو ایتیش و اولرگه ایش اورینلری تاپیشگه عاید ریجهلرنی دستکلاوچی یوزدن ارتیق ماده گه ایگه بولگن قطعنامه نی قبول قیلیشگن.

ییغینی کوزتگن بی بی سی مخبریگه کوره هلی طالبان بیران بیر کیلیشوو گه باریش اوچون تیارلیگیگه عاید بیلگیلر جوده کم.

طالبان کرزی حکومتی بیلن هر قنده ی مذاکره گه باریشدن آلدین خارجی کوچلر نینگ مملکتدن چیقیب کیتیشی نی شرط قیلیب ایلگری سوروب کیلگن.

طالبان عصیانکارلری قوشمه ایالتلر حکومتی دستگیگه ایگه حکومتنی اغدریش و 130 مینگ خارجی قوشونلرنی مملکتدن چیقاریب یوباریش اوچون کورهشیب کیلیشه دی .

Image caption طالبان تینچیلیک جرگه سینی "امریکا نینگ دستوری"دیب تعریفله گن

عفو ریجه سی

افغانستان جمهور رئیسی حامد کرزی جرگه گه یکون یسش اوچون ایراد ایتگن نطقیده ، طالبلردن اوشبو فرصتنی بای بیرمسلیکلرینی سوره دی .

او دولت مخالفلریگه قره ب " کیلیلر اوز اولکه لریزگه تینچیلیک و برقرارلیک کیلتیریلر". جناب کرزی طالبان و حزب اسلامی نینگ ناراضلیگینی ایسله تیب و اولردن تینچ حیاتگه قیتیشلرینی سوره دی .

بی بی سی مخبری مارتین پیشنتسگه کوره ، جرگه سونگیده افغانستان جمهور رئیسی حامد کرزی ریجه سینی دستکله گن بولسه ده ، جنگره لرگه زورانلیکدن واز کیشیلری عوضیگه قیلینه دیگن تکلیفلر و بوییچه کیلیشماووچیلیکلر بولگن.

جناب کرزی نینگ ریجه سی افغانستان باش قانونی قبول قیلگن قویی درجه لی طالبلرنی عفو ایتیش و اولر حیاتلرینی قیته باشلشلری اوچون یاردملرنی اوز ایچیگه آله دی .

شو بیلن بیرگه او تینچیلیک مذاکره لر گه باریش مقصدی بیلن معلوم رهبرلرگه باشقه بیر اسلامی مملکتدن باش پناه بیریلیشینی هم تکلیف ایتگن.

جرگه رئیسی اورینباسری قیام الدین کشاف نینگ ائیتیشیچه ، قوم آقساقاللری طالبان هربرلری ناملرینی بیرلشگن ملتلر قاره رویخطیدن آلیب تشلشینی ایسته گن. قاره رویخطده ناملری تورگن شخصلر قولگه آلینیشلری و یا هلاک ایتیلشلری لازملیگی ائیتیلگن ایدی.

عینی پیتده کشاف جنابلری حکومت و خلق ارا کوچلرنی طالبان نینگ سابق اعضالری خوفسیزلیکلرینی کفالتلش همده امریکا و افغان قماقخانه لریده شقله نه یاتکنلرنی آزاد قیلیشگه چقیرگن.

جناب کرزی جرگه قطعنامه سیده ، طالبان بیلن علاقه دارلیک عیبی بیلن حبسگه الینگن لر نی قوییب یوباریلیشیگه دائر تکلیفگه نسبتا اچیق بیر مناست کورستدی. اونگه کوره فقط طالبان گروهی گه علاقه دارلیک عیبی بیلن قماققه آتیلگنلر نی قوییب باریشگه زودلیک بیلن حرکت قیله دی .

جناب کرزی جرگه ایشینی و اولر تمانیدن ترقه تیلگن قطعنامه نی ، موفقیتلی > مکمل ، هر تمانله مه و حقلی دیب اته دی .

شو نینگدیک افغانستان جمهور رئیسی ف جرگه نینگ رئیسی برهان الدین ربانی دن اوشبو وظیفه نی عده لشی اوچون منتدارچیلیک بیلدیردی .

Image caption اوچ کونلیک ییغین نهایه سیده اشتراکچیلر طالباننی عفو ایتیش قرارینی تصدیقله دیلر

"ینچیلیک نمایشی بولمه سین"

افغانستان سابق جمهور رئیسی برهان الدین ربانی و تینچیلیک قورلتایی نینگ باشلیغی ، جرگه سونگی ییغنیده ،:"مصلحت جرگه سی توگه دی ، لیکن تینچیلیکنی اورنه تیش یولده کی حرکتلر اوز کوچی بیلن دوام ایتیشی کیرک" دیب ائیتدی

جناب ربانی نینگ ائیتیشیچه "برچه اعضالر اوز کمیته لریده تینچیلیک جرگه سی نینگ نمایشی و اوتوچی بیر نیرسه بولمسلیگی بلکه کیلهج جکده تینچیلیکنی اورنه تیش اوچون خدا و ملت قریسیده ییریک بیر وعده بولیشی کیرک".

جناب ربانی نینگ طالبانو عصیانچی گروهلر گه بولگن پیغامی ، عمومی و ایسکی بیر نیرسه ایدی، او طالبلردن اورشدن قول تارتیب و تینچیلیک اوچون اولر تمان اوزه تیلگن قوللرنی قیسیشنی طلب ایتدی.

اما برهان الدنی ربانی نینگ افغانستان نینگ خلق ارا اتفاقداشلریگه آچیق بیر پیغامی بار ایدی. " جرگه میز نینگ دنیا اوچون کوپ گینه پیاملری بار ایدی ، جمله دن بیر پیتلر تروریسمگه قرشی اوروش اتفاقینی تشکیل بیرگن خلق ارا همجمیعت ، ایندی افغانستان نی اوروشلر گردابیده قوتقریش اوچون تینچیلیک اتفاقینی توزیشلری کیرک ، و بیرگه لیکده افغانستانگه تینچیلیکنی کیلتیریشگه حرکت قیلسینلر " دیب ایتدی جناب ربانی.

تینچیلیک جرگه سی نینگ ئیسی ، افغانستانده کی یوز بیرگن و موجود نا تینچیلیکلر نی افغانستان رهبرلری نینگ کمچیلیگی و چیت ایل دولتلری نینگ اره له شوییدن دیب ایئتدی. اونگه کوره بولر افغانستان اوچون کوپ گینه دردر و الم و مصبتلرنی کیلتیرگن.

Image caption جرگه ده عیاللر آوازی ایشیتیلمه دی

عیاللر اشتراکی

اوشبو قورلتایده عیاللر نینگ اشتراکی جرگه بولیب اویتشیدن الدین تخمین بولگنیدن انچه کوپ بولگن، لیکن جرگه نینگ آچیلیش و یا نهایه سیده کی نطقلرده اولردنینگ اوازلری ایشیتیلمه دی

جرگه سونگیده جناب کرزیدن آلدین جرگه ننیگ عیال اشتراکچیلریدن بیری نطق ایراد قیلیشنی ایسته دی. هر چند جناب کرزی اونی ترغیبله دی ، اما اونگه نطق ایراد ایتیشگه فرصت بیریلمه دی .

شو اوچون عیاللر نینگ جرگه ده کی اورینلری کوپراق "سمبولیک" بولیب جرگه ده سوز یورتیگن لر نینگ اکثری تانیقلی شخصلر اینقسه مجاهد رهبرلریدن عبارت بولگن.

بی بی سی مخبریگه کوره ، جرگه وکیللرینینگ قه یسی بیر تکیلیفینی عنابتگه الیش حکومت اختیاریده ، اما اکثر افغانلر و غرب رسمیلری هم طالبان بیلن بیران بیر کیلیشووگه باریش اوچون هلی یول اوزاق ایکنینی ائیتیشه دی .

مذکور جرگه اوزون و مرکب جریانینگ باشله نیشی صفتیده کوریلماقده .