وحید عمر: وزیرلرنینگ استعفاسیگه خارجی لرنینگ باسیمی بولمه گن

افغانستان حکومتی ایککی بلند مرتبه لی خادم نینگ استعفاگه چیقگنی خصوصیده تشقی مملکت لرتمانیدن هیچ قندی باسیم اوتکزیلمه گنینی تاکیدله دی.

افغانستان ایچکی ایشلروزیری محمد حنیف اتمر وعمومی استخبارات ریسی امرالله صالح نینگ استعفاگه چیقیگنی کوپگینه سواللرنینگ سیاسی حلقه لر و عادی اهالی مابینده توغدردی.

عمومی استخبارات ریسی امرالله صالح قوشنی پاکستان دولتی نینگ جمهورریس کرزی گه بولگن باسیمی اساسیده استعفاگه چیقیشگه مجبوربولگنی اهالی وسیاسی حلقه لر اره سیده قیزیق بحث لرگه سبب بولیب کیلگن سواللردن بیری دیر.

شونینگ دیک ایریم لر مخالف قوراللی گروهلر بیلن مذاکره آلیب باریش مسله سی کوچلنگنی باعث کرزی جنابلری پاکستان رضایتینی قولگه کیرتیش اوچون ملی امنیت ریسی نینگ استعفاسینی قبول قیلگن دیشه دی.

اما افغانستان ریاست جمهوررلیک سرای نینگ سوزچیسی وحید عمر، محمد حنیف اتمر و امرالله صالح نینگ جرگه نینگ بیرینچی کونیده یوزبیرگن حادثه باعث استعفاگه چیققنی اساسی دلیل دیب کورستدی .

شونینگ دیک عمر جنابلری بوخصوصده هیچ قندی خارجی باسیم بولمه گنینی اوروغوله دی.

باشقه تماندن عمر جنابلری خارجی دولت لرنینگ منفعتی مطرح بولسه اوزمان افغانستان حکومتی حاکمیت قیله آلمس لیگینی تاکیدله دی.

.رسمیلرنی معلوم قیلشچه استعفا گه چققن حکومت نینگ ایککی مهم خادمی کرزی جنابلری نینگ حضوریگه باریب هجوملر باره سیده بولگن دلیللرینی ایلگری سوریب اینگ از ایککی ساعت کرزی بیلن صحبت لشگن.

اما شوقدر خوف سیزلیک چاره تدبیرلریولگه قویلگن حالده هم اوچ عصیانچی نینگ جرگه یقینده باریب جایله شیب جرگه نینگ راکت اوقی بیلن نشانگه توتیشی کرزی نینگ اولرگه قره تیلگن اساسی سوالی بولگن.

اما جناب اتمر و جناب صالح تمانیدن بیریلگن جوابلر ایسه کرزی نینگ قانیقترمه گن.

افغانستان جمهورریس سوزچیسی وحید عمر بو موضوع اتمر و صالح جنابلری نینگ استعفاگه چیقیشگه سبب بولگنینی اورغوله دی .

اما افغانستان عمومی استخباراتی نینگ آلدینکی ریسی امرالله صالح اوتگن کون مطبوعات انجمنیی یولگه قویب ملی تینچلیک مصلحتی جرگه امنیتی نی تامین لش اوچون کم چلیک لربولگنینی تن آلدی.

شونینگ دیک صالح جنابلری نه فقط جرگه نینگ هجومگه توتیلیشی بلکه اونلب ایچکی وخارجی دلیل ونزاکتلر باعث استعفاگه چیقیشگه قرارآلگنینی معلوم قیلدی وجرگه مسله سیدن تشقری قندی دلیللر ونزاکتلر اونینگ استعفاگه چیقیشیگه مجبور لنترگنی خصوصیده معلومات بیرشدن باش تارتدی.

حاضرگه قره گنده ایچکی ایشلروزیرلیگی نینگ اورن باسری منیر منگل ایچکی ایشلر وزیرلیگی نینگ وقتینچه لیک وزیری صفتیده وظیفه لنتریلگن.

شونینگ دیک عمومی استخبارات ریسی اورنیده افغانستان ملی امنیت شوراسی نینگ اورن باسری انجینیر محمد ابراهیم اسپین زاده اوشبو اداره نینگ وقتینچه لیک مسول صفتیده تعین ایتیلگن.

اما افغانستان جمهورریس سوزچیسی وحید عمر یقین کیله جکده ینگی کیشلرنی ایچکی ایشلر وزیرلیگی و عمومی استخبارات ریاستیگه تانشتریلیشینی تاکیدله دی.