اسلام آبادده ناتو کاروانیگه هجوم

Image caption هجوم پایتخت اسلام آباد یقینیده روی بیرگن

پاکستان پایتختی اسلام آباد یقینیده قوراللی شخصلر ناتو کاروانیگه هجوم قیلگنلر.نتیجه ده کمیده 7 کیشی اولدرلگن و بیرنیچه یوک تاشوچی موترلر یاقیب یوبارلگن.

تونگی هجوم اسلام آباددن 10 کیلومتر تشقریده صادر ایتلگن.اونلب قوراللی لر اشتراکیده گی هجومده 20 ته یوک موتریگه اوت قوییلگن، میلیونلب دالرلیک حربی تجهیزات یکسان قیلنگن.

ناتو یوک موترلری افغانستانده گی اتفاقچی کوچلرگه یوک آلیب باره یاتگن بولگن.

"هجوم محلی وقت بیلن ساعت 23:35 لرده یوز بیردی و بیز حاضرده اونینگ قندی صادر ایتلگنینی انیق لشگه حرکت قیلهیب میز ،" دیدی یوک موترلری جایلشتریلگن تورونل منطقه سی پلیس باشلیغی .

"هجومچیلر موترلر تورگن گراژ کیلیب ، اوت آچه باشله گن،"دیدی او رویتر خبر آژانسیگه.

اسلام آباد پلیسی نینگ باش ریسی کلم امامگه کوره، حاضرده پلیس ایککی اینگیل موتر و موتر سایکللرده قاچیشگه موفق بولگن قوراللی شخصلرنی قیدرماقده.

پلیس نینگ علاوه قیلیشچه 130 دن مینگ خارجی کوچلرگه ضرور بولگن تامینات نینگ 75 فیصدگه یقینی پاکستان نینگ کراچی بندرگاهی آرقه لی کیرتیله دی.

بو ایدوچیلر اوچون درآمدلی ایش، اما پاکستانلیکلر غرب کوچلری نینگ افغانستان و منطقه ده گی عملیاتلریدن در غضب، دیدی بی بی سی مخبری بیل هائیتن .

امریکا باشچیلیغیده گی اتفاقچی کوچلر روسیه و مرکزی آسیا آرقه لی پاکستانگه مقابل یوللرنی ایزلشماقده و سونگی هجوم مذکور حرکتلرنی ینه ده جدللشتریشی انیق ، دیه علاوه قیله دی بی بی سی مخبری .