مک کریستال قندهار وضعیتینی تیکشره دی

ناتو کوچلری نینگ افغانستانده کی عمومی قوماندان جنرال ستنلی مک کریستال یقینده عملیات یولگه قویلیشی کوتیله یاتگن قندهار ولایتی نینگ وضعیتینی تیکشریش اوچون اوشبو ولایتده سفرقیلگن،ناتوکوچلریگه کوره قندهار ولایتیده یولگه قویلیشی ریجه لنگن حربی عملیات نینگ انیق تاریخی معلوم ایمس ،

اما اوشبو کوچلرایسه قندهار ولایتی نینگ بعضی منطقه لر، وضعیتینی نظارتگه آلیش اوچون حرکتلر بولیب کیله یاتگنینی اورغوله ماقده.

عینی حالده ایساف کوچلری نینگ سوزچیلریدن بیری اوچ خارجی عسکر نینگ جنوبی حدودلرده هلاک بولگنینی معلوم قیلگ.

بو ایککی عسکردن بیری قرمه قرشی اوریش وبیری هم یول چیککه سیده اورنه تیلگن ماین پارتلش عاقبتیده قربان بولگنی تاکیدلنگن.

شو اساسده ناتوکوچلری اوتگن قرق سکیز ساعتده اینگ آغر تلفات کورگن.

افغانستان دولتی طالبلر واسلامی حزب باشلیغی گلبدین حکمتیار بیلن مذاکره قیلیش یولیدن ارتیب باره یاتگن ناقرارلیک لرگه نقطه قویشنی الغه سورماقده .

شوندی ایکن ناتوکوچلری بویوک حربی عملیات نینگ قندهارولایتیده یولگه قویلیشینی ایتیب کیلماقده.

ژنرال استنلی مک کریستال، قندهار ولایتیده یولگه قویلیشی کوتیله یاتگن عملیات نینگ حربی نطقه نظردن فوق العاده اهمیتگه ایگه ایکنینی اورغوله گن.

شونگه قوشیمچه قیلیب ناتوباشلیغی قندهار عملیاتی نینگ یخشی تدبیر بیلن یولگه قویلشینی ایتگن.

شونینگ دیک جنرال ستنلی مک کریستال اوشبو حدودلرده عملیات یولگه قویلشدن اساسی مقصد امنیت نینگ توله تامین لش واهالیگه یاردم ایتکزیش دیه فکر بیلدریب بو ایشانچ نینگ قندهار اهالیسگه بیلدریش مهم لیگینی تاکیدله گن.

قندهار طالبان حاکمیتی دوریده، اوشبو گروه نینگ مهم واساسی مرکزلردن بیری بولیب طالبلر حکومتی آغدریلشدن سونگ هم اوشبو ولایت نینگ ایریم حدودلرده طالبلر قوراللی لری فعالیت سوریب کیلماقده.

ناتوکوچلری قندهار ولایتی نینگ بوتون منطقه لرینی نظارت آستیده آلیش ناتوکوچلری نینگ افغانستانده بولگن ماموریتی نینگ موفقیتی اوچون اوته اهمیتلی دیب اورغوله گن.