تخارولایتیده یولگه قوییلگن ناراضلیک نمایشی زوروانلیککه آیلنگن

Image caption تخارولایتیده عیسویت دینی نینگ ترغیب قیلیشگه قرشی ناراضلیک نمایش زوروانلیککه ایلنگن

تخار ولایتی نینگ مرکزیده دینی عالم لر تمانیدن عیسویت دینی نینگ ترغیب قیلیشگه قرشی یولگه قویلگن ناراضلیک نمایش زوروانلیک گه ایلنیب اوچ کیشی یره لنگن.

وگون ایرته لب کوپگینه دینی عالملر تخار ولایتی نینگ تالفان شهریده ناراضلیک نمایش یولگه قویب ایرم نادولت تشکیلات لرنینگ عیسویت دینی نینگ ترغیب قیلیشگه عیبله گن.

نمایشچیلرایسه دینی عالم وطلبه لردن عبارت بولگن.

معلومات لرگه کوره نمایشچیلر ایککی گروه گه اجرلیب بیرگروه سی ایریم نادولت تشکیلات لر وبیر گروه سی تالقانده بولگن پی آرتی کوچلری نینگ مرکزی قرشی سیده باریب ، اوشبو مرکزگه قره ته ، تاش آتگنلر.

دینی عالملر پی آرتی کوچلری تمانیدن اولرگه قره ته آچیلگن اوق طفیلی اوچ کیشی نینگ یره لنگن لیگینی دعوا قیلگن لر.

اما محلی رسمیلر اوشبو اوچ کیشی پی آرتی کوچلری اوقلریدن ایمس بلکه اوزلری تمانیدن آتیلگن تاشلر طفیلی یره لنگن لیگینی ایتگنلر.

یره لنگن کیشی لرکسل خانه ده انتقال بیریلیب اولردن بیری نینگ وضعیتی جوده یمان لیگی کسل خانه مسوللری تمانیدن ایتیلگن.

ناراضلیک نمایشی بیرنیچه ساعت دوام ایتگن عینی حالده پی آرتی تمانیدن آتیلگن اوقلرطفیلی، شو یقین اره ده جایلشگن کوپگینه دوکان لر هم یاپیلگن.

شونگه قوشیمه تخار ولایتیده فعالیت آلیب باره یاتگن ژورنالیست مبین غفوری بیرقنچه نمایشچیلرنینگ ملی امنیت تمانیدن تحقیقات اوچون آلیب کیتیلگنینی تاکیدله دی.

دینی عالم لر نمایش سونگیده بیر قطع نامه چیقاریب تیرگاوگه آلینگن کیشی لر قویب یوباریلمه سه، جدی عکس العمل کورسه تیش لرینی تاکیدله گنلر.

تخارولایتیده بوندن بیرنیچه کون آلدین عین موضوع خصوصیده هم ناراضلیک نمایش یولگه قویلگن ایدی.

ایریم خارجی نادولت تشکیلات لرتمانیدن عیسویت دینی نینگ ترغیب قیلنیشی خصوصیده ، قطار خبرلر

یوزه گه چقیشی بیلن، افغانستان نینگ بیرقنچه ولایت لریده ناراضلیک نمایشلر یولگه قویلدی.