Сўнгги янгиланиш 12 июн 2010 - 12:01 GMT

قرغیزحکومتی زورآونلیکلرنی توخته تیش اوچون روسیه دن یاردم سوره دی

یوزلب عایله لر اوزبیکستان چیگره سیگه یغیلگنلر.

قرغیزستان موقت جمهور رئیسی روزه آتینبایوه نینگ معلوم قیلیشچه قرغیزستان روسیه دن اوش ده گی مللی زورآونلیکلرگه چیک قویش اوچون قوشین یوباریشنی سوره گن.

روزه آتینبایوه حکومتی نینگ مملکت جنوبیده نظارتنی بای بیرگنینی اعتراف ایتگن.

قرغیزستان ساغلیقنی سقلش وزیرلیگیگه کوره مملکت جنوبیده اوزبیکلر و قرغیزلر آره سیده روی بیرگن زورآونلیکلرده کمیده 62 کیشی اولدرلگن، 790 آدم یاره لنگن.

محلی شفاکارو انسان حقلری فعاللرنینگ ایتیشلریچه ، حقیقی رقملر بوندن هم کوپ بولیشی ممکن.

اولرگه کوره ، جبرکورگن اوزبیکلر طبی یاردم آلیش اوچون شفاخانه لرگه چیقیشدن قورقیشماقده .

اوش ولایتی حاکمیتده گی منبع نینگ بی بی سی گه معلوم قیلیشچه ، زورآونلیکلرده اولگنلر سانی 100 دن کم ایمس .

قرغیزستان ایچکی ایشلر وزیرلیگیگه کوره ، وضعیت اوته یمان.

(اوش شهریده گی عیال اوز وضعیتی حقیده بی بی سی گه شوندی دیگن)

غلیانلرنینگ کیتی کورنمیدی.اوزبیک لرنینگ اویلریگه، شهر نینگ مرکزی بازاریگه اوت قویلگن.

آتشمه لر هم دوام ایتماقده. خبرلرگه کوره، هجومگه توتیلگن اوی جای و بنا لرنینگ اکثریتی اوزبیک لرگه تیگشلی دیر.

شهر وضعیتی اوته یمان

"آسوشیتد پرس" خبر آژانس نینگ محلی پلیس خادملری و اهالی نینگ سوزلریدن اقتباس کیلتریشچه، قرغیزستان نینگ تورلی حدود لریدن تمیر تیاق واوق آتر قوراللر بیلن قوراللنیب آلگن قرغیزلر اوش شهریگه آقیب کیلشماقده.

جمعه کونی قرغیزستان موقت جمهور رئیسی روزه آتینبایوه اوش شهریده گی وضعیت نظارت آستیگه آلینگنینی بیان قیلگندی .

اما، سونگی خبرلرگه کوره ، اساسا اوزبیکلر استقامت قیلوچی جنوبی اوش شهریده وضعیت اوته تنگ .

قرغیز-اوزبیک چیگره سیده بولگن مخبر نینگ خبربیریشچه ، اوزارا چیگره ده مینگ لب آدم لر توپلنیشگن.اولردن اکثریتی خاتین –قیزوباله لردیر.

مخبر میز غلیانلرده یاره لنگن لردن بیری بیلن صحبت لشگن ، او اوزیگه اوزبیک لر اولدرله یاتگنینی ایتگنینی خبر بیرگن.

اوزبیک قرغیز چیگره سیده توپلنگنلرنینگ دعوا قیلیشچه، اوتگن تونده اویلریگه اوت قویلگن و اوش شهرینی قوریقله یاتگن زرهی یولاو لردن اوققه توتیشگن.

اما قرغیزستان ایچکی ایشلر وزیرلیگی واعظی اولرنینگ ادعا لرینی رد ایتیب ، خوف سیزلیک کوچلری غلیانلرگه قوشلیش اوچون چیتدن کیله یاتگنلرنی اوشگه کیرتمسلیک بیلن بند ایکنلیک لرینی ایتگن.

بیز تورگن یرگه یقین جایده آتشمه لر صدا سی و عیاللر نینگ قیچقریقلری ایشیتله دی ، دیدی مخبر میز.

مخبرگه کوره ، چاره سیز قالگن آدم لر خلق آرا هم جمعیت دن یاردم سورشماقده .

بیر لشگن ملتلر تشکیلاتی و اروپا ده خوف سیزلیک و همکارلیک تشکیلاتی اوشده یوز بیره یاتگن ناقرارلیک لردن اوز خواطر لرینی اظهار ایتشگن.

قرغیزستان عمومی اخبارات واسطه لرنینگ خبر بیریشلریچه ، اوتگن تونده اوش شهرده گی وضعیت ینه ده یمانلشگن.

شهرگه یقین "فورقت "قشلاغیده هم آتشمه لر کیچه یاتگنی و بنالرگه اوت قوییله یاتگنی گه عاید خبر لر کیلماقده .

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.