ننگر هار ولایتیده طالبان 12 حربی موترنی ویران قیلگن

Image caption توقنه شو لر افغانستان شرقیده گی ننگرهار ولایتده روی بیرگن

شرقی ننگر هار ولایتی نینگ شیرزاد ولسواللگیده روی بیرگن توقنه شوده تورت عسکر هلاک و آلتی عسکر هم یره لنگنی ایتیلماقده.

اوز اسمینی ایتیشدن باش تارتگن ننگرهار رسمیلردن بیری تلفات نینگ تصدیق لب ملی اردو وپلیس کوچلریگه عایید یتی حربی موتر بیش تانک ویران ایتلگنینی ایتگن.

ویران ایتیلگن تانکلردن بیر امریکا لیک لرگه باغلیق ایکنی اورغولنماقده.

ننگرهارولایتی نینگ محلی رسمیلرنی خبربیریشچه یوزلب قوراللی عصیانچیلر اوشبو ولایت نینگ شیرزاد ولسواللیگیده هجوم قیلگن بیر پیتی توقنه شولر باشلنگن.

معلومات لرگه کوره قوراللی عصیانچیلر شیرزاد ولسواللیگی نینگ نظارتگه الیش مقصد بیلن اوشبو حدودده هجوم قیلیشگن، لیکن رسمیلرگه کوره اولر اوز مقصدلریگه ایرشه المه گنلر.

افغانستان ایچکی ایشلر وزیرلیگی بیر بیانات آرقه لی افغان امنیتی کوچلری و طالبان اره سیده بیرنیچه ساعت توقنه شو دوام تارتیب اینگ بیش طالب نینگ هلاک بولگنینی خبربیرگن.

عینی حالده بیاناتده 6 طالبنی هم یره لنگنی معلوم قیلنگن.ایچکی ایشلروزیرلیگی افغان کوچلریگه قندی تلفات ایتکزیلیب ایتکزیلمه گنی خصوصده معلومات بیرمه گن.

اما طالبان گروهی ایسه اوشبو توقنه شوده آغر تلفات افغان امنیتی کوچلریگه ایتکزیلگنینی ایتب سکیز افغان و اون سکیز خارجی عسکرنینگ هلاک ایتیلگینینی دعوا قیلگنلر.

شونینگ دیک توقنه شو جریانیده بیرقنچه حربی وموتر و تانکلرنی هم ویران ایتیلگنینی ادعاقیلگن.

عینی حالده طالبلر سوزچیسی روی بیرگن توقنه شوده 10 طالب نینگ یره لنگن لیگینی تن آلگن.

اوزاسمنی ایتیشدن باش تارتگن ننگر هار رسمیلردن بیری ایسه تورت افغان عسکری نینگ هلاک وینه التی عسکر نینگ یره لنگن لیگینی ایتگن.

خوب رسمیلر بوباره ده اچیچقه معلومات بیریشدن باش تارترایکن اما محل یشاوچیلریدن بیری بوباره ده شوندی فکر بیلدردی .

افغانستان شرقیده جایلشگن ننگرهار ولایتی نینگ ایریم حدودلری سونگی پیتلرده ناتینچلیکلرگه گواه بولیب کیلماقده.

ایریم ایش بیلرمان کیشیلر ننگرهار ولایتی نینگ پاکستان بیلن چیگره داش بولگنی عینی حالده نورستان ولایتی نینگ تینچسیز منطقه لری بیلن قوشنی لیگی، اوشبو ولایت نینگ ناتینچ بولیشگه اساسی رولی بارلگینی تاکیدلیدی.

باشقه تماندن ننگرهار یشاوچیلری حاضرگی وضعیت دوام تارتگیدیک بولسه اوشبو ولایت نی هم اینگ تانیچ ولایتلردن بیریگه ایله نیشیدن خواطرده لر.