فاریاب ولایتیده توقنه شولر دوام ایتماقده

Image caption فاریاب ولایتیده طالبلر و دولت کوچلری آره سیده توقنه شولر دوام ایتماقده

فاریاب ولایتی نینگ رسمیلریگه کوره اوشبو ولایت نینگ پشتونکوت تومنیده یولگه قوییلگن حربی عملیات دوام ایتماقده اولرنینگ معلوم قیلیشلریچه حاضرگه قدر 16 عصیانچی هلاک ویره لنگن.

فاریاب ولایتی نینگ پولیس باشلیغی خلیل اندرابی، اوشبو عملیات پشتونکوت ولسواللیگینی میان دره قشلاغیده یولگه قوییلگن لیگینی ایتیب عملیات دن اساسی مقصد اوییرده، حربی مرکزقورگن طالبان عصیانچیلرنی یوق ایتیش دیه بهاله گن.

اونی خبربیریشیچه ایککی کوندن بیری آلیب باریله یاتگن مشترک ناملی حربی عملیات ده حاضرگه چه یتی عصیانچی هلاک بولیب باشقه توقیز عصیانچی هم یره لنگن.

عینی حالده اندرابی جنابلری عصیانچی قوراللی گروه لرنینگ منطقه دن قاچیب تاغلی حدودلرده جایلشگنینی تاکیدله گن.شونینگ دیک افغان امنیتی کوچلریگه قندی تلفات ایتکزیلمه گنینی معلوم قیلگن.

اماطالبلر حاضرگه چه بوخصوصده قندی بیر مناسبت بیلدرگنی یوق.

رسمی معلومات لرگه کوره اوشبو عملیاتده حاضرگه قدر هوای کوچلردن فایده له نیمله گن رسمیلر ضرورت بولگن حالده هوای کوچلردن فایده له نیشلرینی اورغوله گنلر.

پشتون کوت ولسوالیگی تاغ لیک منطقه ده جایلشگن لیگی سبب انده سنده شوندای ناقرارلیک لرگه گواه بولیب کلماقده

باشقه تماندن فاریاب ولایتی نینگ پشتون کات ولسواللیگی قوشیمچه قیسار، دولت آباد وبلچراغ کبی ولسواللیکلریده هم سونگی پیتلرده طالبلر فعالیتی کوپلب کوزه تیله یاتگنی ایتیلماقده.