روزا اوتونبایوا: هلاک بولگنلر سانی اون برابر کوپ

روزا اوتونبایوا

قرغیزستان مؤقت حکومتی رهبری روزا اوتونبایوا نینگ ایئیتشیچه ممکلت جنوبیده یوز بیرگن قومی زورانلیکلرده هلاک بولگنلری سانی رسماً اعلان قیلینگنیدن اون مرته کوپ بولیشی ممکن.

مؤقت حکومت رهبری روزا اوتونبایوا سونگی ییگیرمه ییلده گی اینگ دهشتلی قومی زوروانلیکلر روی بیرگن اوش شهریگه بارگن.

اوتونبایوا خانم شهرنی قیته قوریشگه وعده بیرگن، اوز اویلرینی ترک ایتگن انسانلرنی آرتگه قه یتیشگه چقیرگن.

قرغیزستان رسمیلریگه کوره ، اوش و جلالاباد شهرلری اطرافیده یوز بیرگن زوروانلیکلرده کمیده 192 کیشی هلاک بولگن.

اکثر کوزاتوچیلر گه کوره، هلاک بولگن انسانلر سانی رسمی رقمدن انچه کوپ.

روزا اوتونبایوا اولگن انسانلرنینگ رمی رقمگه نسبتاً اون برابر کوپ بولیشی ممکن ، دیب ایئتگن.

"قشلاق جایلرده ج.ده کوپ اولیم بولگن. بیزنینگ عدتلریمیزگه کوره ، اولگنلرنی باتگونچه کومه میز "، دیب ایئتگن روزا اوتونبایوا.

Image caption بیرلشگن ملتلر قرغیز دولتیدن شفاف تیکشیروو اوتکزیشنی سوره گن

ایریم قرغیز رسمیلری سونگی کولرده حیاتدن کوز یومگن آدملرنینگ 2500 گه ایتیشی ممکنلیگینی ایئتیشگن.

مخبرلرگه کوره ، مؤقت حکومت رهبری اوش شهری مرکزیده تیک اوچردن توشگن، اونی کوپ سانده گی خوفسیزلیک کوچلری خادملری قوروقله ماقده .

"مین بو ییرگه وضیعتنی اوز کوزیم بیلن کوریش، آدم لر بیلن گپله شیش و بو ییرده نیمه یوز بیرگنینی بیرنچی منبعدن ایشیتیش اوچون کیلدیک" دیب ایئتگن روزا اوتونبایوا.

روزا اوتونبایوا مؤقت حکومت نینگ انقراضنی برطرف ایتیشده سستلیک قیلگنی باره سدیه گی تنقیدلرنی رد ایتگن.

"سیزلر ایشله مه یپسیزلر دیب ائیتمنگ، بیز نینگ کوچلریمیز وضیعتنینگ عده سیدن چیقییبتدی. دیب ایوتگن او اوش نینگ مرکزی میدانیده ژورنالیستلرگه گپیرر ایکن.

بیرلشگن ملتلر قطعنامه سی

بیرلشگن ملتلر انسان حقلری کینگشی رسمی بیشکیکدن قرغیزستان جنوبیده کی انقراض یوزه سیدن تیکشیروو اوتکزیشینی سوره گن قطعنامه نی قبول قیلگن.

ژنیو ده اوتگن ییغینیده بیرلشگن ملتلر خوفسیزلیک کینگشی قرغیزستان حکومتینی اوتگن هفته باشله نیب کیتگن زوروانلیکلر بوییچه توله قانلی و شفاف تیکشیروو لر اوتکزیشگه چقیرگن.

دستلبکی قرغیزستان و قشمه ایالتلرگه تقدیم ایتیلگن اوشبو قطعنامه ده اوشبو هفته اوتگن زوروانلیکلرگه ایتکله گن 7 نچی اپریل حادثه لرینی تیشکیریب چیقیش سوره له دی .

خلق ارا تیکشروو گه چقیریقلر

Image caption بیرلشگن ملتلر تشکیلاتیگه کوره قریب یریم میلیون انسان قرغیزستان جنوبیدن قاچقین بولگن

شو کونی قوشمه ایالتلر دولت کاتبی نینگ اورینباسری روبرت بلیک ازوبیکستان نینگ قرغیزستانگه قوشنی اندیجان ولایتیده گی قاچقینلر جملاغینی باریب کورگن.

جملاقنی باریب کورگندن کیین جناب بلیک قرغیزستان جنوبیده گی وضیعتنی انسان پرورلیک انقراضی دیب اته گن.

"قوشمه ایالتلر قرغیزستان جنوبیده زوروانلیکلر دوام ایته یاتکنی حقیده گی خبرلردن جوده تشویشده بیز قغیزستان مؤقت حکومتینی زوروانلیکلرنی زودلیک بیلن توخته تیش چاره لرینی کوریشگه چقیردیک"، دیب ایئتگن روبرت بلیک.

جناب بلیک قرغیزستانده گی قانلی حادثه لر یوزه سیدن خلق ارا تیکشیروو اوتکزیشگه چقیرگن.

"مین اوزبیکستان حکومتی گه انسانی انقراضدن جبر کورگن کوپ قاچقینلرنی قبول قیلیش اوچون تیز و ایجابی عمل قیلیشینی ایئتدیم" دیدی امرکیا دولت کاتبه سی ننیگ اوزینباسری.

بیرلشگن ملتلر تشکیلاتی نینگ ائیتیشیچه ، قرغیزستان ده گی قومی زورانلیکلر کمیده 400000 کیشینی اوز تورر-جایلرینی تشلب چیقیشگه مجبور ایتگن.

قرغیزستان رسمیلریگه کوره ، مملکت جنوبیده وضیعت برقرارلشماقده و اولر زوروانلیکلرگه قره مسدن 27 جونگه مولجلنگن رفرندم نی اوتکزیش نیتیده لر.

رفرندم گه قرغیزستاننینگ ینگی باش قانونی قبول قیلیشی و روزا اوتونبایوا نی 2011 انچی یلگه چه اوتیش دورنینگ جمهور رئیسی ایتیب تعین لش مسئله سی اوچون آواز بیریش ریجه لنگن.