امریکا پولی افغانستانگه "طالبان کیسه سیگه کیته دی"

Image caption گزارشگه کوره ، اگر پول بیریلمه سه ، ناتو تأمیناتی حمله آستیگه آلینه دی.

امریکا کنگره سی نینگ ایتیشیچه ، افغانستانگه اوشبو اولکه حربی لری نینگ بودجه سی نی بیر قسمیگه طالبان نصیب بوله دیلر.

امریکا قوشمه ایالات لری کنگرسی چیقرگن خبری گه کوره ، اوشبو اولکه حربی لری نینگ تامینات کاروانی نینگ امنیتی نی آلیش اوچون ، افغانستانده گی خصوصی امنیتی شرکت لرگه ، هرهفته اونلب ملیون دالربیره دی. اما اوشبو هزینه ، باج و رشوه شکلیگه طالبان و عصیان چیلر نینگ کیسه لریگه کیته دی.

معلومات لرگه کوره ، افغانستانده گی ناتو کوچلری نینگ تامینات تاشوچی کاروان لری ، تینچ سیز یول لردن اوتیش اوچون ، خصوصی امنیتی شرکت لرگه پول بیریش گه مجبور بوله دیلر عکس حالده ، یول لردن اوته یاتگن پیتده ، عصیانچیلر حمله سیگه دوچ کیله دیلر.

اوشبو معلومات لر آلتی آی تیکشیریش لر نتیجه سی بولیب ، امریکا مدافعه وزیرلیگی هم اوشبو گزارش نی چیقریشگه حصه قوشگن.

چیقریلگن گزارش گه کوره ناتو کوچلری نینگ تامینات کاروان لری نی اوتیش لری اوچون ، افغانستانده گی خصوصی امنیتی شرکت لر هر هفته ده تورت ملیون دالر قولگه کیلتیره دیلر.

اوشبو گزارش نینگ تیارلگن لریگه کوره ، ناتو کوچلری نینگ تامینات کاروانی افغانستان شاه یول لریدن امن شکل گه اوتیش لری اوچون ، طالبان گروهی ، والی لر ، پولیس قوماندان لری و شونگه اوخشش ، محلی حربی قوماندان لرگه ، رشوه بیره دیلر.

خصوصی امنیتی شرکت لر نینگ رشوه گه متهم بولگن لردن بیری ، افغانستان جمهور رییسی حامد کرزی نینگ خویش لری دیب ایتیله دی.

اوشبو گزارش امریکا کنگره سی تمانیدن شونده ی بیر حالتده ، چیقریلگن که اوشبو اولکه افغانستانده گی حربی لری نینگ اولیم رقمی کوپه یماقده.

اوشبو گزارش نی تیارله گن کیشی لرنینگ تاکید قیلیشیچه ، امریکا تمانیدن بیریله یاتگن مالیات نه فقط ، عصیان چی گروه لر نصیبی بوله دی بلکه اوشبو مسئله خلق ارا کوچلر نینگ افغانستان تینچلیگی اوچون قیله یاتگن سعی و حرکت لری نی تأثیر آستیگه کیلتیره دی. .

آخرگی ییل لرده ، امریکا دولتی وبو اولکه نینگ خلق ارا متحد لری افغانستانده حربی حضور لری نینگ ایش بیرمه یاتگن نی حقیده گی ادعا لر چیقگن، شو سبب ایچکی فشار لرگه یوزمه یوز بولگن.

اوشبو تنقید لر گه قرگنده ، قریب اون ییل جریانیده ، افغانستان اوچون گوپ گینه پول صرف لنگن بیراق اوشبو اولکه ده امنیت مسئله سی یخشی تمانگه اوزگرمه ی بلکه هر کون اوتیشی بیلن یمانلشیب کیلماقده.