سرپل ولایتیده مکتب اقووچی قیزلر زهرلنگن

Image caption رسمیلر زهرلنگن قیزلرنینگ اکثریتینی دوالنیب اوز اویلرگه آلیب کیتیلگنینی تاکیدله گن

سرپل ولایتی نینگ ولایت حاکیمی اورن باسری قمرالدین شکیب نینگ ایتیشیچه، اوشبو ولایت نینگ توغن قشلاغیده گی قیزلرمکتبیده زهرسیپلیب ایگرمه گه یقین قیز زهرلنگن.

شکیب جنابلریگه کوره بوگون ایرته لب قیزلر مکتب صنفلریگه کیرگن بیرپیت زهرلنیب کینچه لیک ایسه اولر ولایت مرکزیده بولگن کسل خانه لردن بیریگه انتقال بیریلگن.

اما سرپل ولایتی نینگ معارف مسووللری مکتب اقووچی لریدن 19 قیز، بیش اقوتوچی و بیر ملازم هم زهرلنگن لیگینی ایتماقده.

محلی رسمیلرنی معلوم قیلیشلریچه زهرلنگن قیزلرنینگ بیرقنچه سی دوالنگنیدن سونگ اوز اویلریده الیب کیتیلگن، لیکن اولردن اوچته سی نینگ ساغلام وضعیتی یخشی بولمه گنی باعث حاضرهم کسل خانه ده بولگن.

ولایت حاکمی اورن باسری قمرالدین شکیب حادثه یوزه سیدن تیکیشرو ایشلری یولگه قوییلگن لیگینی معلوم قیلیب اما واقعه ده کیملرنی قولی بارلیگی حاضرگه چه معلوم بولمه گنینی ایتگن.

شونینگ دیک زهرنینگ قندی ماده لیگی باره سیده هم هیچ قندی معلومات بیریلمه گن.

بوندن الدین هم سرپل ولایتی نینگ مرکزیده کی گوهرشاد بیگم ناملی مکتبیده هم ایککی مرته زهرلنیش واقعه سی یوز بیریب اینگ آز اوتز بیش قیززهرلنگن ایدی.

همده قندوز وغزنی ولایتلریده هم عینی واقعه روی بیریب بیرقنچه مکتب اقوچی قیزلر زهرلنگن ایدی.

سونگی پیتلرده زهرله نیش واقعه سی نینگ قیز مکتبلریده کوپلب روی بیریب کیله یاتگنی افغانستان اهالیسی نینگ قتیغ خواطرلنترگن.