افغانستان دولتی کانلر خصوصیده سرمایه یاتقزیش اوچون اورنماقده

Image caption افغانستان بویلب موجود کانلرنینگ ایشلب چیقاریش اوچون سعی حرکتلر بولماقده اما امنیت یمانلیگی حاضرگه قدر هم سرمایه یاتقزیش اوچون اساسی معما بولگن

افغانستان کانلر وزیری وحید الله شهرانی بانکلر وخصوصی شرکتلرنینگ افغانستانده سرمایه یاتقزیش اوچون ترغیب قیلیش مقصدی بیلن لندن گه سفرقیلگن.

کانلر وزیرلیگی نینگ مطبوعات مسوولینی خبربیریشیچه حاضرگه چه 200 گه یقین خلق ارا شرکت اوشبو مناسبت اوچون جون آی نینگ ایگرمه بیشینچیسیده لندن ده یولگه قویلیشی ریجه لنگن انجمنیده حصصه قوشیشلرینی معلوم قیلگنلر.

افغانستان کانلر وزیری وحیدالله شهرانی بی بی سی بیلن بولگن صحبتیده، افغانستان نینگ تورلی منطقه لریده کوپلب کانلر موجودلیگینی اورغوله دی و کانلرنی ایشلب چیقاریش خصوصیده سرمایه یاتقزیش اوچون کوپگینه منطقه لرده زمینه بارلیگینی تاکیدله دی.

شهرانی جنابلری یوقاری سطح گه سرمایه یاتقزیش اینیقسه کانلر توغریسده سرمایه تاتقزیش اوچون آلدینلر قندی بیر قانون بولمه گنی کاته معما توغدریب کیلگندیب. لیکن اونی ایتیشیچه 2008 میلادی ییل بوخصوصده مخصوص قانون تصدیق له نیشی بیلن بوتوسیق هم کوتاریلگن.

عینی حالده کانلر وزیری، باشقه بیر معما افغانستانده کی موجود کانلرنینگ مقداری وموقعیتی انیق لنمه گنی دیب اما الیب باریلگن تیکشرولر باعث اوشبو توسیقنی هم حل بولگنینی تاکیدله دی.

اونی معلوم قیلیشچه افغانستان حکومتی و امریکا لیک لرتمانیدن الیب باریلگن تحقیقاتلر نتیجه سیده افغانستان بویلب اوچ مینگ ملیارد ارزش لیک کانلر موجود لیگی انیق لنگن.

اما امریکا لیکلر آلیب بارگن تحقیقات نتیجه لرینی اعلان قیلیب افغانستان بویلب قریب بیرمینگ ملیارد ارزشلیک کانلر موجودلیگینی ایتگن ایدی .

ایککی ملیارد تن تیمر حاجی گگ کانیده

افغانستان کانلر وزیری حاجی گگ کانی خصوصیده کی حجتلرنی بوگون لندن ده بولیب اوتیشی کوتیله یاتگن انجمنده، تکلیف ایتماقچی .

اونگه کوره حاجی گگ کانی اوستیدن آلبیب باریلگن تیکشرولر نتیجه سیده اوشبو کانده اینگ آز ایککی میلیارد تن تیمر موجود بولگن .

شهرانی جنابلریگه کوره حاجی گگ کانی جهان بویلب قول اوریمله گن کانلردن بیری بولیب بوخصوصده سرمایه یاتقزیش افغانستان وهم سرمایه یاتقزگن شرکتلر اوچون کوزگه کورنرلی منفعت ایتکزه دی .

افغانستان کانلر وزیری لندن سفریده شرکتلر وکیللری بیلن بولگن دستلبکی صحبتلرده اوشبو شرکتلرنینگ ایریملری اینیقسه توتال شرکتی شمالی حدودلرده جایلشگن یاقلیگی ذخیره لرینی ایشلب چیقاریش توغریسده قیزیقگندیب فکربیلدرگن.

افغانستان بویلب کوپ کانلر موجودلیگی ایتیلیب کیلگن، اما شوپیتگه قدر فقط گینه چین دولتی لوگر ولایتیده کی مس کانی نینگ ایشلب چیقاریش اوچون اوچ ملیارد ارزشلیک بیرکیلشوو نینگ افغانستان دولتی بیلن امضاله دی .

هرچند افغانستان کانلر وزیری بعضی بیر حدودلرده امنیت یخشی بولیب موجود کانلرنی ایشلب چیقاریش اوچون زمینه بارلیگینی اورغولیدی اما حاضرگه قدر هم افغانستان نینگ ایریم حدودلریده امنیت یمان لیگی بوخصوصده سرمایه یاتقیزیش اوچون اساسی توسیق بولگن.

باشقه تماندن ایسه کینگ کولمده موجود بولگن اداری فساد سرمایه یاتقزیش اوچون اساسی معما سنله دی.

لیکن افغانستان کانلروزیری کانلرنینگ ایشلب چیقاریش اوچون کیلیشیلگن بیتیم باره سیده افغانستان ملی کینگاشی و مطبوعات فعاللریگه معلومات بیریلیشینی اورغوله ماقده.