بریتانیا و امریکا قوشونلرینی افغانستاندن چیقاریش ریجه سی

اوباما و کامرون
Image caption بریتانیا کیلجک بیش ییل ایچیده اوز کوچلرینی افغانستاندن چیقارماقچی

بریتاینا باش وزیری دیود کامرون و امریکا جمهور رئیسی بارک اوباما آره سیده افغانستانده کی قوشونلری نینگ سانینی کمیتیریش بوییچه قوشمه مایللیک بارلیگینی معلوم قیلگن ، بریتاینا باش وزیری نینگ اداره سی.

بو خصوصده کی قیسقه مذاکره لر رواجلنگن سکیزلیک دولتلری نینگ کانادا ده کی عالی مقام ییغینی آرتیده بولیب اوتگن.

جناب کامرون اوز کوچلری نی بیش ییل ایچیده افغانستاندن آلیب چیقیب کیتیش نتیده ایکن لیگنی معلوم قیلگن.

لیکن هر ایککله رهبر افغانستان کوچلرینی تیارلش غایه سیده صادیق قالیشلرینی معلوم قیلگن لر .

افغانستان ده بولگن سونگی سفریده بریتانیا باش وزیری دیود کامرون ، بریتانیا لیم کوچلر گه ، کیرکیدن بیر کون هم کوپراق او ییرده قالمسلیکلرنی ایئتگن ایدی.

اما حاضر گه چه هر قنده ی بیر مهلت تعین ایتیشدن باش تارتیب کیلگن ایدی. لیکن ایندی کانادا ده کی خلق ارا بیر منبردن توریب ، باش وزیری کامرون ، بریتانیا لیک کوچلر نینگ کیلگوسی ییل سیلاو لریدن آلدین یعنی 2015 نچی ییلگه چه اویلریگه قه یتیشینی ایسته یاتکن لیگنی معلوم قیلگدی .

Image caption جون آیی افغانستانده کی خارجی کوچلر اوچون اینگ قانلی آی بولگن

"بیز یینه بیر بیش ییل او ییرده بوله المیمیز. حاضر بیز قریب 9 ییلدن بیری افغانستانده میز".دیب ایئتگن بریتانیا باش وزیری دیود کامرون

باش وزیر اداره سی ایسه ، بو سوز لر نینگ هیچ قنده ی زمان بیلگیلش و مهلت تعین لش ایمس لیگنی و بریتانیا نینگ افغانستانگه نسبتا سیاستلریده کی اوزگریشنی انگلتمسلیگنی تاکید له ماقده .

اما جناب کامرون نینگ سوزلری او نینگ ایندی بریتاینا لیک کوچلر نینگ چیقیشی وقتی باره سیده اویله یاتکن لیگی دن دلالت بیره دی .

باشقه تماندن زمان جدولی تعین ایتلیشی حربی قوماندان لر گه ایسه یاقمیدی. افغانستانده کی رواجله نیشلر کوتیلگنیدن انچه سیکین بولگن.

حربی ستیوارت توتر بریتانیا لیک کوچلرینی هلمند ولایتیگه ایتکله گن بریتانیا لیک کوچلر ننیگ سابق قوماندانی اونگه کوره ، چیقیش تاریخی قوانتیروچی بیر نیرسه ، لیکن انیق بیر زمان نی بیلگیلیش ییریک خطا بولیشی ممکن.

باش وزیری دیوید کامرون هم باشقه غربلیک رهبر لر سینگری ، اونگه آواز بیرگن خلقی تمانیدن افغانستان ده کی ماموریتلری خصوصیده بوله یاتکن تنقید لر گه جواب بیریشی کیرک.

عامه خلق تمانیدن هم افغانستانده کی اوروشدن واز کیچیش بوییچه باسیم لر موجود. لیکن افغانستانده هر قنده ی غلبه و یا مغلوبیت گه ایریشیش، جناب کامرون نینگ صلاحیتیدن تشقریده .

قریب 10000 بریتانیا لیک کوچلر افغانستانده جایلشگن. اولر نینگ اکثریتی ممکلت جنوبیده کی هلمند ولایتیده عصیانچیلرگه قرشی عملیات آلیب بارماقده و 2001 نچی ییلدن بیری 307 کیشی بریتانیا لیک عسکر لر افغانستان ده هلاک بولگن.