کرزی : کوکنارایکمی رواجلنیشگه چیت ایللیکلررغبتی نینگ تاثیری بولگن

افغانستان جمهور ریسی حامد کرزی ، خلقرا مخدره ماده لر گه قرشی کورشیش کونی نشانلنش مناسبتی بیلن افغانستان بویلب مخدره ماده لر اوشبو اولکه نینگ اساسی قیینچیلیکلریدن بیری دیب ایتدی.

کرزی جناب لری گه کوره افغانستانده مخدره ماده لر نی ایکیش،افغانستان ده سابق شورا حکومتی قوله گنیدن سونگ بعضی بیر قیینچیلیک لر گه کوره رواجلنگن.

جمهور ریس حامد کرزی ایتیشیچه سونگی ییل لر ده بعضی بیر خارجی مملکت لر تمانیدن کورستیلگن رغبت طفیلی افغانستانده مخدره ماده لر نی ایکیش حلقه سی کینگیگن.

کرزی جنابلری قندی دیر معلوم بیر حلقه یاکی دولت نینگ آتینی ایتمه دی اما اوشبوماده نینگ افغانستاندن یوق قیلیش اوچون دنیا هم جمعیت مملکت لرینینگ اینیقسه امریکا و آسیا دولت لری نینگ یاردم کورستیشی گه احتیاج بارلیگینی ایتدی.

کرزی جناب لری مخدره ماده لر نینگ ملامت لیگی افغانستان گه نصیب ایتگن لیکن اوندن کیله دیگن فایده خلقرا قاچاق چی لر نینگ کیسه سیگه توشه دی دیب ایتدی.

افغانستان مخدره ماده لر گه قرشی کورشیش وزیری ضرار احمد مقبل گه کوره سونگی توقیز ییل آره سیده اوشبو ماده نینگ ایکیلیشی انچه کمیگن.

مقبل جناب لریگه کوره مخدره ماده لر قاچاغی بیلن شغله نوچی قریب اوچ مینگ کیشی نینگ تیرگاو بولیشی افغانستان حکومتی قولگه کیریتگن یوتوق لریدن دیر.

عین حالده افغانستان بویلب بیر میلیون کیشی نینگ مخدره ماده لر گه چلنگن لیک رقمی یوزه سیدن خواطر بیلدیردی.

اوشبو رقم بیرلشگن ملت لر تشکیلاتی نینگ مخدره ماده لر گه قرشی کورشیش بولیمی آلیب بارگن کوزتیش لر اساسیده اعلام ایتلگن ایدی.

عین حالده غرب دولت لری تمانیدن افغانستانده اداری فساد کینگ ترقلگن دیگن تنقیدلر بولگنیدن سونگ ینه بیر بارجمهورریس حامدکرزی اداری فسادگه قرشی کوره شیشینی تاکیدله دی.

کرزی جنابلریگه کوره افغانستانده خارجی لرنینگ کوپ بولیشی سبب اداری فساد رواجلنگن.

اونی معلوم قیلیشچه افغانستانده بولگن خارجی کوچلر اختیاریده کوپ پول بار اولرارقه لی بعضی بیر قراردادلر افغان مقاملری یاده اولرنینگ یقین قرینداشلریگه بیریله دی.

جمهورریس اگر دنیا همجمعیت مملکتلری افغانستان بویلب اداری فسادنی الدینی الماقچی ایکن، قراردادلرنی افغان مقاملریگه بیریلیش الدینی الیش کیره ک دیب ایتدی.

کرزی جنابلری قراردادلر نینگ بیریلیش جریانی شفاف بولیشی و اولرنی افغان مقاملریگه بیریلیشی قانونی بیر موضوع بولسه هم توغری ایش ایمس دیب اتیدی.

عینی حالده حامدکرزی اداری فسادگه قرشی کوره شیش مقصدیده افغان مقاملری نینگ یقین عاییله اعضالری نینگ ایش کوچلری اوستیدن تیکشریش الیب باریش کیره ک لیگینی ایتدی

اوکیشی اداری فسادگه قرشی کوره شیش اداره سیگه دولت ایشچیلری نینگ یقین عاییله اعضالری روی خطینی توزیش اوچون بویوروغ بیریشینی ایتدی.

عین حالده کرزی جنابلری افغانستان نینگ دولت مقام لریدن اوشبو اولکه نینگ کانلرینی ایشلب چیقریشده توغری قدم لر قوییشینی ایسته دی.