مدافعه وزیرلیگی :" چیقاریلگن حسابات ناتوغری "

Image caption ظاهر عظیمی افغان کوچلری ایترلی قورال بیلن جهازلنگن

افغانستان مدافعه وزیرلیگی وناتو کوچلری افغان امنیتی کوچلری نینگ ظرفیتی و قولگه کیرتگن موفقیت لیک لری چیقاریلگن حساباتده عکس ایتریلمه گن دیب قتیغ قاره لب چیقدیلر.

امریکا نینگ افغانستان قیته قوریش ایشلری بویچه مسولی جناب ارنولد امریکا سنا مجلیسده تاپشرگن حساباتیده افغان کوچلری نینگ قنچه ظرفیتگه ایگه ایکن لیگی باره سیده امریکا نینگ اگاه ایمس لیگی تاکیدلنگن همده اوشبو حساباتده افغان کوچلری نینگ ایشانلری ایمس وناقص دیه یازیلگنی ایتیلماقد.

رسمیلرنی معلوم قیلیشلریچه اوتگن بیرنیچه ییل جریانیده افغان امنیتی کوچلری ناتوکوچلری نینگ یاردمی بیلن تورلیچه مشق تیارگرلیک لردن اوتیب ایترلی قورال اسلحه بیلن جهازلنگن.

افغانستان مدافعه وزیرلیگی نینگ سوزچیسی ظاهر عظیمی افغان کوچلری نینگ مهم عملیات لرده حصصه قوشیب کیله یاتگنی عینی حالده مستقل عملیاتلرنی یولگه قویلیشلری افغان کوچلری نینگ ظرفیتینی یوکسلگنیگه اساسی دلیل دیه کورستدی.

شونگه قوشیمچه قیلیب عظیمی جنابلری افغان امنیتی کوچلری نینگ ظرفیتی خصوصیده چیقاریلگن حسابات نینگ حقیقی ایمس لیگینی تاکیدله دی.

عینی حالده امریکا نینگ مخصوص وکیللی اوشبو حساباتینی ناتوکوچلریگه تاپشرگنینی اورغولب افغان امنیتی کوچلر ظرفیتینی تیکشریش برنامه سیگه اوزگریش کیتریش اوچون ناتوکوچلری نینگ کیلیشگنینی ایتگن.

اما ناتوکوچلری نینگ افغانستانده کی سوزچیسی جوزف بلاتز چیقاریلگن حسابات نینگ ایسکی عینی حالده ناتوغری دیب فکر بیلدردی .

جوزف جنابلری حسابات نتیجه سیده کیرتیلگن رقم و فایز لرنی هم انیق ایمسلگینی تاکیدله دی.

اوتگن توقیز ییل جریانیده امریکا نینگ افغانستان قیته قوریش توغریسده اجره تگن هزینه سی افغان کوچلری نینگ ظرفیتینی یوقاری الیب کیتشی اوچون صرفه لنیب کیلماقده. اما شوندی بولسه هم افغان امنیتی کوچلری نینگ ظرفیتی سوال استی قوییلماقده.

باشقه تماندن ایسه افغان امنیتی کوچلری نینگ قنچه لیک ظرفیتگه ایگه بولگنینی بیلیش خارجی کوچلرنینگ چیقیب کیتیش زمانیگه باغلیق لیگی ایتیلماقده.