امریکا بیلن روسیه جاسوسلرنی المشدیلر

Image caption ایککی اوچاق یانمه-یان قریب قناتلری قناتلریگه تیکن حالده 50 دقیقه توردی.

اطریش پایتختی وینا ده ساووق اوروشی توگه گنیدن بویانگی اینگ کتته جاسوس المه شیش عملگه آشیرلدی.

بیری روسیه دن ، باشقه سی امریکا دن کیلگن ایککی اوچاق وینا هوا قونلاغه سیگه یانمه –یان کیلیب قونگن و امریکا ده روسیگه جاسوس لیک قیلگنلیکده عیبلنگن10کیشی عوضیگه روسیه ده جاسوس لیک عیبلاولری بیلن قملگن 4 محبوس المه شگن.

تورت شخص بیر کون ایلگری روسیه جمهور ریسی تامانیدن عفو ایتلگن.

ایککی اوچاق یانمه-یان قریب قناتلری قناتلریگه تیکن حالده 50 دقیقه توردی، دیب خبر قیله دی بی بی سی نینگ وینا ده گی مخبری.

رسمیلر و باشقه کیشیلر اوچاقلر آره سیده ایلیب-یوگورشرگن، او ییرده جوده کوپ ایش باردی .

توشنیلیشیچه ، امریکا دن آلیب کیلنگن 10 محبوس روسیه اوچاغیگه جمهور رئیس میدویدوف عفو ایتگن تورت کیشی ایسه ، امریکا اوچاغیگه آلیب بارلدی.

کیین برینچی بولیب ، روسیه اوچاغی هواگه کوترلدی ، بیرنیچه دقیقه دن سونگ امریکا گه تیگشلی اوچاق پراوز قیلدی.

اسکی "ساووق اوروشی" اصولیده گی صحنه کوریش سیلیق یوکونلندی و هر ایککی حکومت هم ایندی بو ماجرانی آرتگه تشلشگه امید قیله دیلر، دیب خبر قیله دی بی بی سی مخبری.

امریکا ده روسیه نینگ اون نفر جاسوسی حبسگه آلینگنی حقیده 29 جونده خبر قیلندی.

مخبرلرگه کوره، قسقه وقت ایچیده بولیب اوتگن آچیق محکمه جریانیده اون شخص اوزلریگه قوییلگن عیبلاولرنی تن آلگنلر، قندی جنایت صادر ایتگنلرینی حکایه قیلگنلر.

روسیه تامانی ایسی امریکا فایده سیگه جاسوس لیکده عیب له نیب روسیه قماق خانه لریده جزا مدتلرینی اوته یاتگن "سیرگی سکریپال" ،"گینادی وسیلینکو"،"ایگوری سوتیاگینی"،"الکساندر زپورجیسکی"لرنی بوینلریگه آلیب ، رسویه جمهور رئیس دن کیچریم سورشگنی اوچون آزاد ایتلگنینی خبر قیلدی.