افغانستان شمالیده کی ناقرارلیکلر

کندوز
Image caption کندوز ولایتی افغانستان شمالیده کی ناقرار حدودلردن حسابلنه دی

افغانستان شمالیده کی کندوز ولایتی رسمیلری نینگ ایئیتشیچه ، قلعه زال تومنی نینگ حاکمی جایلشتیریلگن بیر بامب نینگ پارتلشی عاقبتیده هلاک بولگن.

کندوز پلیس باشلیغی جنرال عبدالرزاق یعقوبی نینگ بیلدیریشیچه السوال محمد نذیر ، شنبه آقشامی (19 سرطان) ینغریق تومنیدن قیته یاتکن پیتیده او نینگ موتری اوشبو بامب گه دوچ کیلگن.

جنرال عبدالرازق گه کوره پارتلشده جناب نذیر نینگ هیداوچیسی هم هلاک بولگن و او نینگ ایککی نفر تن قوروقچیلری یره لنگن.

طالبان ایسه اوشبو پارتلش مسئولیتینی بویینلریگه الگن.

محمد نذیر بوندن قریب بیر یریم ییل مقدم ، اوشبو لوازم گه تعیین ایتیلگن ایدی. ایئتیلیشیچه ، او ، عصیانچیلرگه تعلقلی بولگن گروهلر نینگ دولتگه قوشیلیشی یوللیده ثمره لی حرکت لر قیلیب کیلگن ایکن.

جناب نذیر اوتمیشده قاتوچی بولیب ایشله گن.

ناتو اتفاقی ترقتگن بیاناتده ، جناب نذیر اولیمنیننگ افغانستان دولتی نینگ عامه خذمتیده کی مامورینینگ یشم وضیعتی و او ننیگ قیله یاتکن جان کوییرلیکلری دیب بیلیب ، اونینگ قاتللرینی تاپیش یولیده ، افغانستان رسمیلری بیلن هر قندهی یاردم گه تیار ایکن لیگنی معلوم قیلگن.

Image caption رسمیلرگه کوره طالبان بیلچراغ اطرافیده کی قشلاقلرده قرارگاه قورگن ایدی

فاریابده کی اوروشلر

فاریاب ولایتی نینگ بلچراغ تومنیده طالبلربیلن افغان وتشقی کوچلرآره سیده یوزبیرگن توقنه شووده6طا لب اولیب 8 کیشی ایسه اوشبو گروه دن تن جراحتی آلگن.

فاریاب ولایتی رسمی لرینینگ بیلدیریشیچه اوشبوحربی عملیات طالبان گروهی اوشبو تومن نینگ ایریم قشلاقلریگه کیلیب جایلشگندن کیین یولگه قوییلگن و رسمیلرگه کوره هلی هم دوام ایته یاتکنلیگی نی معلوم قیلماقده لر.

معلومات لر گه کئوره ، طالبان اعضا لری ، "بیلچراغ" السواللیگی بیلن "قورچی" قشلاغی اورته سیده کی "ارچه تو" و "تاش قلعه" قشلاقلری نظارتینی قولگه الیب قرارگاه قوریشگن. رسمیلرگه کوره ، طالبلر شو قرارگاه لریدن توریب ، "بیلچراغ" و "قورچی " قشلاقلریگه آلیب باروچی یولنی هم کیسیب قوییشگن.

فاریاب ولایتی نینگ پلیس آمری محمد صادق گه کوره ، منطقه نی طالبلردن تازه لش اوچون ف یولنگن افغان و ناتو کوچلری ، یولده طالبان پستیرمه سیگه دوچ کیلیب ف یوز بیرگن توقنه شوو بیر نیچه ساعت دوام ایتکن. اتشمه لر نتیجه سیده طالبلردن 6 نفری هلاک بولیب 8 نفری هم تن جراحتی آلگن.

فاریبا پلیسیگه کوره ف یولگه قوییلگن عملیاتده هوائی کوچلردن هم فایده لنگن. رسمیلرگه کوره منطقه تازه لنگن. لیکن قالگن طالبلر قوشنی سرپل ولایتی تمان قاچیب کیتیشگن.

حربی عملیات جراینیده افغان و خارجی کوچلر گه زیان ایتمه گن لیگنی فاریاب رسمیلری معلوم قیلگن.

بیلچراغ تومنی و اطرافیده کی قشلاقلر ، سرپل و جوزجان ولایتلری نینگ ناقرار تومنلریگه یقین حدودده جایلشگنلیگی اوچون طالبان هجوملریگه گواه بولیب کیلگن.

بوندن آلدین هم بیر نیچه بار ، فاریاب ده کی ایریم تومنلر نی طالبلردن تازه لش اوچون ف حربی عملیاتلر یولگه قوییلگن. لیکن منطقه نی نظپارتگه الگن دن کیین ، پلیس کوچلری دایمی منطقه ده جایلشمه گن لیگی باعث ف طالبلر منطقه گه قیته کیریشگه یول اچگن.