انسان حقلری تشکیلاتی نینگ طالبان بیلن مذاکره لر حقیده کی آگاه لنتیریشی

افغانستانلیک عیاللر
Image caption طالبان نفوذ ایتکن منطقه لرده عیاللر کوپراق تهدید لر بیلن دوچ کیلماقده

خلقراانسان حقلرینی نظارت قیلیش تشکیلاتیگه کوره افغانتسان دولتی طالبان گروهی داخل دولت نینگ مخالفلری بیلن یره ش گه باریشی ، عیاللر نینگ ایشلش و اوقیش حقلریگه کته زیان ایتکیزیشی ممکن .

تشکیلات نینگ ایئتیشیچه ، طالبان قیته نفوذ گه ایگه بولگن حدود لرده یشه یاتکن عیاللر ، طالبلر تمانیدن ،قورقیتیش ، زورانلیک و حتی اولیم بیلن تهدید ایتلیش حاللری بیلن دوچ کیلگن.

تشکیلات ترقتگن ینگی حساباتیده ، هر قنده ی مذاکره و یره ش گه باریش نینگ اساسی شرطلریدن بیری عیاللر حقلرینی محافظه لش بولیشی کیرکلیگنی طلب ایتگن.

طالبان قوله شی بیلن افغانستان نینگ حتی اینگ عنعنه دار جنوبی منطقه لریده یشاوچی عیاللر هم اوقیتوچی ، مأمور یا کی طبیات خادمی صفتیده اوز ایشلریگه قیتدیلر.

اما خلق ارا انسان حقلرینی نظارت قیلیش تشکیلاتی اوز حساباتیده تأکید لگنی کبی ،مملکت جنوبیده طالبان اوز موضعلرینی مستحکملش بیلن عیاللرگه قرشی تضییق لر هم کوچه ییب باردی.

طالبان عیاللرگه اوز ایشلریدن واز کیچیش حقیده گی تهدیدلر بیتیلگن تونگی مکتوب(شبنامه) دیب ایتلگن تهدیدنامه لرنی یوباره باشله دی.

بیر حادثه ده یاردم خادمی بولیب ایشله یاتگن عیال طالبان اعضاسی ایکنینی ائیتگن شخص نینگ تهدیدلریدن سونگ، قندهار ده گی اداره سیدن چیققن پیت آتیب کیتیلگن و کیینراق هلاک بولکن. اونینگ قاتل لری هیچ قچان قولگه آلینمه گن.

افغانستان ده گی خارجی حکومت و یا تشکیلاتلرگه ایشله یاتگن ایرککلرگه هم تهدیدلر بوله دی، اما انسان حقلرینی نظارت قیلیش تشکیلاتیگه کوره عیاللر مخصوصاً و کوپراق نشانگه آلینه دی و کوپراق تضییق لرگه دوچ بوله دیلر .

انسان حقلرینی نظارت قیلیش تشکیلاتی اوشبو حساباتینی یازیش اوچون عصیانچیلر نظارتی آستیده بولگن 90 دن آرتیق عیال بیلن صحبت لشگن.

افغانستان حکومتی و اونینگ خلق ارا همکارلری طالبان عصیانچیلری بیلن مذاکره لر افغانستانده تینچلیک اورنه تیش یولیده گی مهم قدم ایکنینی ائیتیشه دی.

جمهور رئیس کرزی نینگ حکومتیگه کوره ، عصیانچیلر اولا زورانلیکلردن قول تارتیشلری و افغانستان باش قانونینی تن الیشلری کیرک. انسان حقلرینی نظارت قیلیش تشکیلاتی عیاللرنینگ حقوقینی حمایه قیلیش هر قندی مذاکره لرنینگ استوار مسئله سی بولیشی کیرکلیگنی ائیتماقده .