کابل انجمنی خوف سیزلیگینی تامین لش اوچون چاره تدبیرکوریلگن

افغانستان حکومتی خلق ارا کابل انجمنی نینگ خوف سیزلیگینی تامین لش اوچون قریب 15000 پلیس کو چلرینی کابل ولایتیده وظیفه لنترگن.

خلق ارا کابل انجمنی نینگ کیله جک سه شنبه کونی بولیب اوتیشی ایتیلرایکن، افغانستان حکومتی اوشبو انجمن خوف سیزلیگینی تامین قیلیش اوچون ایترلی امنیتی چاره تدبیرلر کوریلگنینی اورغوله ماقده.

شونینگ دیک مسوول کیشیلر اوشبو تیارگرلیک لر باعث خلق ارا کابل انجمنی نینگ تینچ بیر فضاده بولیب اوتیشگه ایشانچ بیلدره دیلر.

کابل ولایتی نینگ پلیس باشلیغی نینگ اورن باسری جنرال خلیل الله دستیار کابل انجمنی کونیده یوزبیره دیگن هرقندی ناقرارلیک لرنی آلدینی آلیش اوچون قریب اون بیش مینگ پولیس کوچلرینی کابل ولایتی نینگ تورلی منطقه لرده وظیفه لنتریلگنینی ایتدی.

اونگه کوره افغانستان ملی استخبارات اداره سی تیکشرو عملیات لرنی یولگه قویب بعضی بیر حدودلرده نظارت نقطه لرینی اورنه تگن.

شونینگدیک کابل امنیه قوماندان لیگینی اورن باسری، ایساف کوچلری نینگ شهرایچکریسده حضوری بولمی ، بلکه هوا آرقه لی اولرنینگ فعالیت قیلیشلری اینابتگه اآلینگنینی تاکیدله دی.

عینی حالده افغانستان مدافعه وزیرلیگی ایسه پلیس کوچلریگه یاردم ایتکزیش اوچون افغان ملی اردو کوچلری نینگ ایترلی تیارگرلیگی بارلیگینی معلوم قیلدی.

مدافعه وزیرلیک رسمیلرگه کوره پلیس کوچلری یاردم گه نیاز تاپگن حالده افغان ملی اردوکوچلری نینگ پلیس گه یاردم قیلیشی ریجه لشتریلگن.

افغان امنیتی کوچلری خلق ارا کابل انجمنی نینگ امنیتینی تامین قیلیش اوچون، ایساف کوچلری نینگ همکارلیگی بیلن بیرهفته لیک تیارگرلیک هم کورگنی رسمیلر تمانیدن ایتیلماقده.

خلقرا کابل کنفرانسی جاری میلادی آی نینگ 20 سیده بولیب اوتیشی کوتیلماقده. 70 دن آرتیق مملکیت لر نینگ تشقی ایش لر وزیرلری و یوقاری منصب لی شخص لری اوشبو کنفرانسده اشتراک ایته دیلر.

افغان رسمیلری کیله جک اوچ ییل جریانیده عملگه اشریش اوچون توزگن برنامه لر نی خلق ارا کابل کنفرانسده ایلگری سوریشینی تاکیدلب اوشبو برنامه لرنی عملی قیلیشی گه 15 میلیلرد دالر کیرک لیگینی ایتگندی

باشقه تماندن اوشبو کنفرانس نی یولگه قوییشدن مقصد ایسه دنیا همجمیعتی مملکت لری نینگ افغانستانگه بیره یاتگن یاردم لریگه اوزگرتیریش کیلتیریش دیب ایتیلماقده.

خوب ایندی کابل انجمنی نینگ تینچ بیرفضاده بولیب اوتیشی اوچون رسمیلر تمانیدن ایشانچ بیلدریلرایکن لیکن بوندن آلدین بولیب اوتگن ملی تینچلیک قوریلتای راکت اوقی بیلن نشانگه النیشی افغان حکومتی بیلدیرگن ایشانچ لرینی سوال استی قویدی.

عینی حالده بومعما افغانستان ایچکی ایشلروزیرلیگی نینگ آلدینکی وزیری محمد حنیف اتمر و ملی استخبارات اداره سی نینگ الدینکی ریسی امرالله صالح لر نینگ استعفاگه چیقیشلریگه سبب بولدی.