بریتانیا کوچلری2014 ییلگه قدر افغانستاننی ترک قیله دی

Image caption حاضرده 9000 مینگ بریتانیا لیک عسکر افغانستان جنوبیده فعالیت قیلماقده

بریتانیا قوشونلرینی افغانستاندن کیله سی تورت ییل ایچیده آلیب چیقیب کیتیش ریجه سیگه عاید حجت بریتانیا مطبوعاتیگه چیقیب کیتگن.

خلق آرا کوچلرنینگ سفربرلیگیگه عاید مخفی حجتگه کوره ، جریان بیرنیچه آی نینگ ایچیده باشلنیشی ممکن.

"اندپیندیت"روزنامه سی قولگه کیرتیشگه موفق بولگن اوشبو حجتده ایتیلشچه ، جمهور ریس حامد کرزی بو حقده سه شنبه کونی کابل ده آچیله جک ییرک خل آرا انجمن چاغیده اعلان قیله دی.

حجتده "معین شرطلرگه اساس لنگن و باسقیچ-مه باسقیچ سفربرلیک حقیده سوز باره دی .

سونگی ینگیلیک افغانستانده قربان بولگن بریتانیا لیک عسکر لرنینگ سانی 320گه ایتگن بیر پیتده یوزه گه چیققن.

اوستیده "ترقه تیش اوچون ایمس" دیب یازلگن کیلشلگن بو حجت بیرلشگن مللتلر تشکیلاتی نینگ کابل ده گی وکیلی استیفن دی میستورا تمانیدن یوقاری مرتبه لی دیپلماتلرگه یوبارلگن.

بو حجتده یازلیشیچه :"خلق ـرا همجمیت ، افغانستان خوف سیزلیک کوچلری 2014 ییل نینگ آخریگه قدر بوتون ولایت لرده خوف سیزلیک نی تامین لب ، حربی عملیات لرنی یولگه قوییشی کیرک دیگن حامد کرزی کوزه لگن ریجه نی حمایه قیله دی ."

بوندن اولراق بریتانیا باش وزیری ویلیام هیگ ، بریتانیا لیک کوچلر 2014 ییلگچه مملکت نی ترک قیلیشنی اشاره قیلگندی.

بو ایسه کوچلرنی آرتگه قیتریش اوچون ینگی مهلت نینگ تعین ایتلیشی خصوصیده مخفی بیرشکلده آلیب بارله یاتگن یغین لرنی تصدیق لیدی.

رسمی حجتده ده یازلیشیچه خلق آرا همجمعیت دولتلری تعین ایتلگن بو مدت ایچیده مملکت ده خوف سیزلیک نی تامین لشگه یاردم بیریب ، افغانستان خوف سیزلیک کوچلرنی تیارلش،اولرنی اسکونه بیلن تامین لش وافغان کوچلری مملکت ده کی خوف سیزلیک مسولیت لرینی قبول قیلیب آلیش لری اوچون کیرک لی مالی یاردم لرنی بیریشگه تیار.

مسولیتنی افغانلرگه تاپشریش

حجتده :"افغانستان حکومتی و خلق آرا هم جمعیت دولتلری بیرگه لیکده ولایت لرده گی وضعیت نی کوریب چیقیب ، 2010 ییل نینگ آخریگچه سکین –سکین مسئولیت لرنی افغانلرگه تاپشریش دورینی اعلان قیلیشی کیرک لیگنی کیلیشب آلینگنی ذکر ایتلگن."

کابل ده بولیب اوتیشی کوتله یاتگن کنفرانسده ، ترقیات دستورلری و حکومت دارلیک مساله سی هم کوریب چیقله دی.

بونینگ یانیده طالبان نی عادی حیاتگه قیتریش اوچون هم 800 میلیون دلار صرف لنماغچین .

حجت افغانستانده گی اتفاق کوچلریگه هم ایرشلیشی ممکن بولگن قسقه مدت لیک قوشیمچه مقصد لرنی بیلگی له گن .

بو مقصد لر مخدر ماده لر قاچاقیگه قرشی کوره شیش، بنگی وار ماده لر ایکلمه یاتگن ولایت لرنی حاضرکی حالی گه سقلش و کیله سی 12 آی مابینیده بنگی وار ماده لر ایکلمه یاتگن ولایت لر سانینی 24 ولایتگه آرتیریشدن عبارت دیر.

عینی دمده بولیب اوتیشی کوتله یاتگن پارلمان سیلاو لرنی شفاف بیرشکلده بولیب اوتیشی ییریک اهمیت گه ایگه ایکن لیگنی حجتده قید ایتلگن.

بولیب اوتیشی کوتله یاتگن یغینده حامد کرزی ، قتنشگن هیتگه، بو کنفرانس، افغانلر ایتکجلیگده گی یولگه قویله یاتگن تینچ لیک ،عدالت و تینگ بیر شکلده ترقیات دستور لرنی یولگه قوییلشی اوچون "بورولیش نقطه سی " بولیشنی ایتماغچین.

او عینی دمده کونده لیک حیاتده اهالی ظرفیت لرینی آشریب، اولرنینگ حق-حقوق لرینی تامین لش ارقه لی تینچ لیککه ایرشیشنی وعده بیریشی کوتله دی .

روزنامه ده یازلیشچه خلق آرا همجمعیت افغانستانده گی ماموریتنی 2014 ییل گچه توگه تیشگه بیل باغله گن .

باشقه تماندن برچه امید لر کوچلی افغان خوف سیزلیک کوچ لرینی تیارلشگه باغلنگن.بیراق افغانستانده مسئولیت لرنی اتفاق کوچ لریدن آلیشگه قادر بولگن افغان کوچ لرینی یره تیش ، موفقیتنی کفالتلی آلمیدی.

افغان پلیس وخوف سیزلیک کوچلری طالبان نفوذ آستیده بولیب جدی بیرشکلده اداری فسادگه باتیب مخدر ماده لرگه چلنگن لیگی باعث تنقید استیگه کیلماقده .