بریتانیا افغانستانگه یاردملرینی کوپیتره دی

Image caption افغانستانگه اجره تیله دیگن مبلغ نینگ اینگ ناتینچ حدودلرنی برقرارلشتریش مقصدیده پلیس کوچلری ، آذیق-اوقت و طبیات همده مینگ لب ایش اورینلرینی یره تیش و اوقو مشغولات لری اوچون ایشله تیلیشی ایشانیله دی .

ینگی بریتانیا حکومتی ،اوز نوبتده افغانستان اوچون مولجله لنگن یاردم بودیجه سینی ینه قیرق فیصدگه آشریشنی ریجه لماقده.

بودیجه نینگ جاری پیتده گی قیمتی 750 میلیون دلارنی تشکیل ایتدی.لیکن خودی شو منظره ده بریتانیا حکومتی باشقه دولتلرگه بیره یاتگن مالی یاردملرینی حجمنی قیته کوریب چیقماقده.بریتانیا تمانیگه کوره، ینگی ریجه افغانستانده برقرارلیکنی تامین لشنینگ مهم بیرقسمی دیر.

رسمی واشینگتن هم افغانستانگه اوز مالی یاردمنی کیله سی ییلی ینه 20 میلیارد دلارگه آشریش نیتده ایکنینی بیان قیلگندی.

معلوم بولیشچه افغانستانگه یاردم لایحه لریگه بریتانیا اجرتگن مبلغ 40 فیصد اوسه دی.

بریتانیا نینگ خلق آرا ترقیات وزیری "اندریو میتچل" افغانستانده رواجلنیشلرنی کفالتلش بریتانیا اوچون اینگ اساسی مقصد بولیشنی اعلان قیلیشی کوتلماقده.

بریتانیا حکومتی افغانستانده گی لایحه لر اوچون کیلگوسی بیش ایچیده 500 میلیون دلار اجره تیشگه هله قجان وعده بیرگن.

باشقه مملکت لرگه اجره تیله دیگن یاردم مبلغ لری حاضرده قیته دن کوریب چیقلماقده.

افغانستانگه اجره تیله دیگن مبلغ نینگ اینگ ناتینچ حدودلرنی برقرارلشتریش مقصدیده پلیس کوچلری ، آذیق-اوقت و طبیات همده مینگ لب ایش اورینلرینی یره تیش و اوقو مشغولات لایحه لری اوچون ایشله تیلیشی ایشانیله دی .

جناب اندریو میتچل شونینگ دیک افغانستانده تعلیم ساحه سیگه علحیده اعتبار قره تیلیشنی استیدی.

بریتانیا لایحه سیگه کوره، کیلگوسی ایککی ییل ایچیده آلتی میلیون باله نینگ مکتبلرگه باریشنی یولگه قوییش ریجه لشتیرلگن.

یاردم لر کوزه تیله دی

بی بی سی بیلن صحبتده جناب میتچل حکومتی افغانستانگه اجره تیله یاتگن یاردم پوللری نینگ قندی خرج لنه یاتگنینی جوده دقت بیلن کوزه تیب کیله یاتگنینی ایتدی.

"بیز افغانستان نینگ رواجلنیشی اوچون قوشیمچه 40 فیصد مبلغ اجره تماقچی میز،" دیدی بریتانیا خلق آرا ترقیات وزیری.

اونینگ ایتشیچه ، بریتانیا حکومتی مذکور لایحه لرنی عملگه آشیریش اوچون ایترلی مبلغ گه ایگه.

بریتانیا حکومتی نینگ افغانستانگه اجره تیله جک یاردم مبلغ لری حقیده گی حکومت ریجه سی دوشنبه کونی اعلان قیلنیشی کوتلماقده.

"بریتانیا افغانستانگه او ییر نینگ ینه القاعده تمانیدن فایده لنیشلیگه یول قویمسلیک اوچون بارگن، دیدی بریتانیا خلق آرا ترقیات وزیری.

"افغانستانده خوف سیزلیک حربی لر تمانیدن اورنه تیلسه، تینچلیک سیاسی ترقیاتنی دستکلیه گن سیاسی یوللر بیلن ایرشیش ممکن،" دییه علاوه قیلدی اندریو میتچل.

اوبرچه یاردم لایحه لری مخصوص تیکشرو گروهی تمانیدن نظارت ایتیب تورلیشنی ایتدی.

بریتانیا حاضرده 90 گه یقین مملکتگه بشری یاردم بیره دی. جناب میتچل چین و یا روسیه سینگهری مملکتلر بوندن بویان بریتانیا دن یاردم آلمسلیگنی ایتدی.

او شونینگ دیک اقتصادی ترقیاتگه ایرشه یاتگن هندوستانگه یاردمنی توخته تیش مساله سی هم کورله یاتگنینی معلوم قیلدی .