کابل خلق ارا کنفرانسی کرزی ریجه لرینی تصدیقلش بیلن توگه دی

حامد کرزی

افغانستان جمهور رئیسی حامد کرزی ، کابل خلق ارا انجمنی نهایه سیده ، قتنشگن دولتلر هیئتلری ، اوشبو کنفرانسده افغانستان ده کی ترقیات و یخشی حکومتچلیک گه بولگن استراتژیک وعده لرینی تصدیقله دیلر .

اشبو انجمن خلق ارا یادمچی مملکتلر تمانیدن بیریله دیگن یاردملر نینگ 50% ابیواسطه افغانستان دولتی ارقه لی صرفله نیشی حقیده کی قرار بیلن اوز ایشیگه یکون یسه دی .

جناب کرزی بیریله دیگن یاردملردن کوپراقینی دولت ارقه لی صرفله نیشینی ایستشگن ایدی.

حاضرده افغانستان دولتی خلق ارا یاردملر دن 20% نی قولگه کیریته دی .

بیرلشگن ملتلر تکشیلاتی نینگ باش کاتبی بان کی مون هم ، کابل ییغنیده کی اشتراکچیلر ، افغانستان اوچون عملی ریجه لر بوییچه کیلیشگن لیگینی تاکید له دی .

عینی پیتده کابل خلق ارا ییغینی ، جناب کرزی نینگ ، 2014 نچی ییلگه قدر ، افغانستان اوچون خوفسیزلیک مسئولیتینی افغان کوچلریگه تاپشیریش بوییچه چقیریقینی قبول قیلگن.

بوندن آلدینراق کابل خلق آرا انجمنی نینگ آچیلیشیده افغانستان جمهور رئیسی حامد کرزی 2014 ییلیگه قدر مملکتی ننیگ خوف سیزلیک مسئولیتنی قبول قیلیب الیشینی وعده بیرگن ایدی.

لیکن عینی پیتده او ممکلت "پلیس و ملی امنیت کوچلری نینگ جدی رواجله نیشلرگه احتیاجی بارلیگنی " تاکدیله گن ایدی.

انجمن نهایه سیده کی شرطنامه ده یازیلیشیچه : " خلق ارا همجمیعت افغانستان جمهور رئیسی نینگ ، 2014 نچی ییلگه چه مملکت ده کی برچه ولایتیلرده کی عملیاتلرنی افغانستان کوچلری عملگه اشیریش بوییچه مقصدلرینی قوللب قوتلیدی."

بوندن الدینراق جناب کرزی ، 2011 نچی ییلده افغان کوچلری نینگ مسئولیتینی قبول قیلیب آلیشگه قه یسی ولایت تیار ایکنلیگینی کوریب چیقیشینی معلوم قیلگن ایدی.

ایریم تحلیلچی لر گه کوره ، افغانستان کوپ قسمیده طالبان ن ظارتگه ایگه بولگن لیگی اوچون ، جناب کرزی نینگ مقصدلری اوته خوشبینانه بولیشی ممکن.

ناتو تشکیلاتی نینگ باش کاتبی اندریس فوگ راسموسن ، مسئولیتنی افغانلر گه تاپشریش جریانی نینگ ،" تقویم " اساسیده ایمس ،"وضیعتگه" بناءً بولیشینی تاکید له گن.

امریکا قوشمه ایالتلری دولت کاتبه سی هیلری کلینتون نینگ ایئتیشیچه ، امریکا دولتی ، 2011 نچی ییلدن باشلب خوفسیزلیک مسئولیتینی افغان کوچلریگه تاپشیریش جریانینی تیزلشتیره دی .

اما خانم کلینتون گه کوره ، بو امرکیا نینگ افغانستان بیلن همکارلیکلری نینگ نهایه سی دیگنی ایمس ، بلکه امریکا نینگ حربی وعده لرینی ، انسان پرورلیک لر یاردم لر و ترقیات ریجه لریگه قوشیب کته راق حصه قوشیشی دیگنی دیر.

کرزی جنابلری حاضرگه قدر افغانستان یخشی باشقرونی یولگه قویه آلمه گنینی تن آلگن و افغانستان همده اتفاقچیلر قرشیسیده "عمومی وحشی دشمن" تورگنینی قوشیمچه قیلگن.

عینی پیتده او افغان قوشونلری جاری ییل آخرلریده ایریم منطقه لر خوف سیزلیک نظارتنی قولگه آلیشلری ممکن لیگنی ایتگن .

اوز قوشونلرینی افغانستاندن 2015 ییلیگه باریب چیقریب آلیش احتمالی حقیده گپره یاتگن بریتانیا اوشبو چقریقنی خوش قرشی آلگن.

افغانستان کیله جگیگه بغشله ب اوتکزله یاتگن کابل انجمنیده دنیا نینگ 70 دن آرتیق دولتلریدن وکیللر اشتراک ایتگن ایدی.

اشتراکچیلر کیله سی بیش ییل جریانیده افغانستان خوف سیزلیگی مسئولتنی بریتانیا و باشقه خارجی کوچلردن آلیب افغان قوشونلریگه تاپشریش ریجه لری داخل قطار مساله لر مباحثه قیلگن.

Image caption کابل کنفرانسیگه بناءً خلق ارار یاردم لر نینگ 50% افغانستان دولتی ارقه لی صرفلنه دی

خلق ارا یاردملر و اداری فساد

امریکا و اونینگ اتفاقچیلری کرزی جنابلری مملکتده گی اداری فساد معما سینی برطرف ایتیش و یخشی باشقرونی یول قویشگه قطی ایشانتریشنی استشه دی .

اوز اورنیده جمهور رئیس حامد کرزی خصوصی خوف سیزلیک شرکتلرنی افغانستانده گی اداری فساد و بی قرارلیککه مسئول بوله یاتگن لیکده عیبله گن .

"مذکورقره ش انجمن نینگ کوپلب اشتراکچی لرینی حیرتگه سالیشنی ممکن"،دیدی کابل ده گی مخبر میز.

بو افغانستانگه بغشله گن توقیزینچی خلق آرا یغین بولیب، اونده هم خوف سیزلیک ،اداری فساد، باشقرو،ترقیات و ملی یره شو کبی جوده اوخشش موضوعلرمباحثه ایتلماقده.

بریتانیا ،امریکا ،بیرلشگن مللت لر تشکیلاتی، ناتو و باشقه اونلب دولتلر مذکور مساله لرده کوپراق ایلگری لشگه چقریشه دی .

"بیراق،بونینگ اوچون طالبان مغلوب ایتیلیشی و یا کمیده اهمیت سیز کوچگه ایلنیشی کیرک، بیراق هلی بولرعملگه آشه یاتگنیگه عاید بیران –بیر علامت کوزگه تشلنمیدی"،دیدی بی بی سی مخبری

یکشنبه کونی تونده پایتخت کابل راکتلر بیلن نشانگه آلنگن و بعضی انجمن اشتراک چیلری اوز اوچاقلرینی حربی قرارگاه گه قره ب باریشلریگه مجبور بولیشگندی.مذکورحالتده ایسه ، مملکت خوف سیزلیک وضعیتی ایشانچلی ایمسلیگنی اورغولیدی.

اتفاق کوچلری جنوبده اوز هجوم لری نی کوپه یتیرگن. و طالبلر هم هجوم قیلماقده ...

افغانستان 2001 اینچی ییلدن بیری خلق ارا یاردم لر جمله سیدن 36 میلیارد دالر قولگه کیریتگن. بو ایسه ف افغانستان اهالی سانی بوییچه ادم باشی 1200 دالر دیگنی دیر. لیکن بو یاردم لر جوده از تاثیر گه ایگه بولگن.

اوشبو مبلغ نینگ کوپ قسمی خوفسیز لیک یا امنیت ساحه سیده و افغانستان دولتی تشقریسیده فعالیت الیب باروچی چیت ایلیک مصلحت چیلر نینگ آیلیکلری اوچون صرفلنگن .جهان بانکی اولر نی " ایککینچی عاموی مامورلر " دیب آت بیرگن.

2011 نیچی ییلد نبیر ی جهان بانکی تمانیدن چیقاریلگن قطار تنقیدی حسابات لر ده ، جهان بانکی ، خلق ارا همجمیعتنی ، افغانستان قابلیتلرینی رواجلنتیریش اوچون ، ایترلیچه حرکت قیلمه یاتکن لیگیده عیبله گن .

ایندی ایسه ، کابل یغینیده اشتراک ایتگن لر ، افغانستان دولتی ارقه لی صرفله نه دیگن خلق ارا یاردم لر مقدارینی 20 % دن 50 % گه آشیریش بویچیه قرار آلگن.

امریکا قوشمه ایالتلریده بو برنامه خصوصیده کی بدبینلیک لر موجود بونگه سبب ایسه ، یاردم پوللریدن اوغیلنگن مبلغ لر بیلن دوبی ده ییریک ویلا لر نینگ ساتیب الینیشی حقیده کی خبر لر نینگ چیقیشی دیر.

امریکا دولت کاتبه سی هیلری کیلینتون ، افغانستان دولتی نینگ ، اداری فساد نینگ آلدینی الیش اوچون ایریم ادیم لر کوترگن لیگنی تن الیب لیکن یینه ده کوپراق عملی ایشلر بولیشی کیرکلیگینی تأکید له گن.

افغانستاتن دولتی کابل ییغینیده ، اداری فساد گه قرشی کوره ش اوچون ، مخصوص عدلی بیر کمیته توزیب ، کیله جک 6 ای مابینیده مملکتده کی برچه قانونلرنی بیرلشگن ملتلر تشکیلاتی نینگ ، ادرای فساد گه قرشی کنوانسیونی گه ماس روشده کوریب چیقیشینی وعده بیرگن.

عینی دمده ، دولت ده کی برچه یوقاری مرتبه لی رسمی لر بایلیکلری ننیگ هم ، باسیب چیقاریب عامه گهآشکار ایتیشینی معلوم قیلگن.

ممکلت اقتصادی نی رواجلنتیریش اوچون ، منطقه دولت لری ارا ترانسپورت ، و انرژی ترماغلرینی قوریش بوییچه وعده بیرگن ..

Image caption جمهور رئیس کرزی کیلگوسی ییگه چه ملی اردو و پلیس سانینی آشیریشنی ایسته گن

بریتانیا حکومتی ایسه ، اله قچان اوز یاردم لری ننیگ اکثریت قسمینی افغانستان دولتی آرقه لی صرفله یاتکنینی تاکید لشماقده . و عینی دمده کابل انجمنی عرفه سیده اوز یاردم لرینی 40% گه آشیریشنی اعلان قیلیشی بیلن ، افغانستان ده کی ییریک یاردمچی ممکلت لردن بیری بولگن لیگینی کورستگن.

خوفسیزلیک معما لر

ناتو تشکیلاتی نینگ افغانستانده کی 150000 نفر لیک قوشونلرینی چیقاریش اوچون ، حامد کرزی ؛2011 نچی ییلگه قدر افغانستان ملی اردو کوچلرینی 170000 گه ایتکیزیش و پلیس نی ایسه 134000 گه آشیریش نی طلب ایتگن.

خوفسیزلیک مسئله لری بوییچه تحلیلچیلرگه کوره ، اوشبو استراتیژی ، افغانستان اوته آز سانده کی ، کیفیت جهتیدن اوته قشاق بولگ نبیر اردو گه قوییشی ممکن.

ناتو تشکیلاتی ایسه ، افغانستان ملی اردو کوچلری قابلیتینی "بیرینچی سطح دن " "تورتینچی سطحگه " آشیریشگه حرکت قیلیشینی بیلدیرگن. "بیرنچی سطح" ملی اردو نی خارجی حمایتدن مستقل روشده فعالیت یوروتیش درجه سیگه ایتکیزه دی .

عینی دمده قوراللی عصیانچیلر نی عادی حالتگه قه یتریش ریجه سی اساسسیده ، کیلگوسی ییلگه چه 34000 عصیانچی نینگ عادی حیاتگه قیتریشی کوزگه توتیلگن.

کابل شهریده 70 ممکلت و تشکیلات وکیللری اشتراکی بیلن خلق ارا ییغین بولیب اوته یاتکن لیکده افغانستان ننیگ ایریم حدود لری ناقرالیکلر گه هم گواه بولگن.

شو جمله دن ف افغانساتان شمالیده کی بلخ ولایتیده ، بیر نفر افغانستان ملی اردو عسکر ایککی امرکیا لیک عسکر نی آتیب اولدیرگن.

ایریم خبر لرگه کوره ، امریکا لیک عسکرلر گه اوت آچگن افغان عسکر هم یوز بیرگن توقنه شوو عاقبتیده هلاک بولپگن.

بلخ ولایتی رسمیلری حادثه یوزه سیدن تشکیروو ایشلری باشله تیلگن لیگنی معلوم قیلماقده .

BBC бўйлаб