باش قانون نظارت کمیسیونی ایشگه باشله دی

مارشال  قسیم فهیم و حامد کرزی
Image caption مارشال فهیم جمهور رئیسلیک سیلاولریدن الدین حامد کرزی حکومتی نینگ اساسی سیاسی مخالفتی بولگن ملی جبهه اتفاقی نینگ اعضا لریدن ایدی

افغانستانده باش قانون نی نظارت قیلوچی مخصوص کمیسیون اعضالری بوگون رسما اوزیشگه باشله دی.

افغانستان جمهورریسی حامد کرزی نینگ بیرینچی اورن باسری مارشال قسیم فهیم بو مناسبت اوچون یولگه قویلگن یغینده اوشبو کمیسیون اعضا لرینی تانیشتیریش نی ییریک بیر یوتوق دیب بهالب کمسیون تمانیدن الینگن قرارلرنی عملی بولیشگه ایشانچ بیلدردی.

رحمان قاضی، سید عمر منیب، محبوبه حقوق مل، عبدالقادر عدالت خواه و دوکتور محمد امین اکبری اساسی قانون نی نظارت ایتوچی کمیسیون اعضاسی صفتیده حکومت تمانیدن تانشتریلدی.

معرفی ایتیلگن کیشلرنینگ برچه سی کابل عالی اقوویورتیده اوقیتوچی استاد صفتیده وظیفه بجره دیگن یوقاری علمی درجه گه ایگه بولگنلر.

اساسی قانون نی نظارت قیلوچی کمیسیونی نینگ اعضالیگده ییتی کیشی بولیشی قید ایتلگن، لیکن حکومت بوندن آلدین بیش کیشی نینگ اوشبو کمسیون اعضاسی صفتیده پارلمانگه معرفی ایتگن ایدی. و ینگی پارلمان ایشگه باشله شی بیلن کمیسیون ننیگ قالگن ایککی اعضا سی نی هم تاینشیتیریشینی معلوم قیلگن.

افغانستان جمهورریسی حامدکرزی نینگ بیرینچی اورن باسری قسیم فهیم کمیسیون اعضالری نینگ اساسی وظیفه سی قانوننی نظارت قیلیش دیه اورغوله دی.

عینی حالده اولرنینگ عدالتلی بیرشکلده فعالیت قیلیشلرینی ایتیب اولرتمانیدن الینگن هرقندی قرارنی عملگه آشیشیدن ایشانچ بیلدیردی.

شونینگ دیک فهیم جنابلری اوشبو کمیسیون نینگ باشقه ایککی اعضاسینی پارلمان کینگاشی نینگ ایشی باشله نیشی بیلن تانشتریلیشینی سوزبیردی.

اوشبو کمیسیون اعضالریدن بولگن عبدالقادر عدالت خواه کمیسیون نینگ اساسی وظیفه سی قانون نی نظارت قیلیش عینی حالده قانوننی تفسیر قیلیش و جناب کرزی قرارلری ننیگ باش قانونگه ضد بولمسلیگی نی نظارت قیلیشدن عبارت دیب ایئتدی.

هرچند اوشبو کمیسیون نینگ آلدینلر ایجاد ایتلیشی بیرنیچه مرته جمهوررئیس حامدکرزیگه پارلمان تمانیدن تکلیف ایتیلدی اما کرزی جنابلری بوندن بیرقنچه مدت الدین بیش کیشی نینگ اساسی قانوننی نظارت قیلوچی کمیسیون اعضاسی صفتیده تانشتردی.

ایریم ایش بیلرمان کیشی لرکمیسیون اعضالرینی کرزی تمانیدن تعینلگنی باعث اولر نینگ وظیفه لرینی رساله ده گی دیک بجریشلریگه شبهه بیلن قره ماقده .

دولت سیاسی مخالفلریگه قرشی تنقیدلر

عینی دمده باش قانون نی نظارت قیلیش کمیسیون اعضا لرینی تانیشتیریش مناسبتی بیلن اوتکزیلگن مراسم ده نطق ایراد ایتگن مارشال قسیم فهیم ، افغانستان ده موجود دولت تیزیمی نینگ فعالیتلریدن حمایه قیلیب ، دولت فعالیتلرینی تنقید قیلوچی حکومت نینگ سیاسی مخالفلرینی عیبله دی .

اونگه کوره ، دولت اصلا کوچسیز ایمسو دولتنی کوچسیز کورستیشگه اورینگن لر لر نینگ مش مش لری هیچ قندهی فایده بیرمس لیگی نی تاکید له دی .

مارشال قسمی فهیم بوندن الدین اوزی حامد کرزی حکومتی نینگ اساسی تنقیدچیلریدن بولیب لیکین ريال سونگی سیلاولردن کیین حامد کرزی نینگ بیرینچی اورینباسری صفتیده تعیین ایتیلیشیدن کیین ، اوزی ننیگ ایسکی صفداشلرینی تنقید قیلیشگه باشله گن.

جناب فهیم نینگ تعبیریچه " حاضر کی تیزیم کوچسیز ایمس ، نی قدر مخالفت اونی کوچسیز کورستسه ، و یا او نینگ یولیگه تاش اتسه ، نی قدر کی دولتگه قرشی تبلغیات قیلسه لر ، سیزگه ایشانچ بیره من تیزیمیمیز کینگه یه دی و قانونچیلیک جمیعت ایچیده مستحکمله شه دی ."

جناب کرزی نینگ معاونی ، انیق بیر شخص و یا گروه دن اسم توتمسدن ، مخلفلرنی "قانوندن قاچوچیلر" دیب "حاضر کی تیزیم اولر نینگ قرسکلری بیلن باشقه قوله میدی " دیب تاکید له دی .